كاره‌ساتا ئێكی شوباتێ ل به‌رده‌ڕه‌ش هاته ساخكرن
به‌رده‌ڕه‌ش، ره‌مه‌زان زه‌كه‌ریا:
لژنا ناوچا به‌رده‌ڕه‌ش یا سه‌ر ب لقێ نه‌هـێ پارتی دیموكراتی كوردستان ڤه ل ئاكرێ ب هه‌لكه‌فتا 35 سالیا مالئاڤاهیا (ئیدریس بارزانی) و 18مین سالرۆژا كاره‌ساتا ئێكی شوباتێ و ب به‌رهه‌ڤبوونا هه‌ژماره‌كا به‌رچاڤ یا خه‌لكێ ده‌ڤه‌رێ سمیناره‌ك ژ بۆ (سه‌باح به‌یتۆللا) به‌رپرسێ لقێ نه‌هـێ پارتی دیموكراتی كوردستان ل ئاكرێ ساز كر.
سه‌باح به‌یتۆللا، به‌رپرسَ لقێ نه‌هـێ پارتی د سمینارێ دا به‌حسێ ویستگه‌هێن خه‌بات و تێكوشینا شه‌هیدێ جوانه‌مه‌رگ ئیدریس بارزانی كر و په‌سنا رۆلێ وی د ته‌ڤگه‌را رزگاریخوازیا كوردستانێ دا كر و گوت: (ئیدریسێ نه‌مر ژیه‌كێ كورت ژیا، به‌لێ ژیه‌كێ پر ده‌ستكه‌فت و سه‌روه‌ری بوو، بۆ گه‌لێ كورد، ڤی مرۆڤێ مه‌زن خه‌سله‌تێن سه‌ركرده‌یه‌كێ مه‌زن و ژێهاتی تێدا بوون، له‌ورا شیا وه‌كی سه‌ركرده‌یه‌كێ مه‌یدانی بهێته د قادا خه‌بات و شۆڕه‌شێ دا).
ئاشكرا كر ژی ، ساخكرنا سالڤه‌گه‌را شه‌هیدێن كاره‌ساتا ئێكی شوباتێ هێمایه‌كه ژ بوی ڕێزگرتنێ ل قه‌هره‌مانی و گیان فیدای یا وان و وه‌فایه‌كه بو مالباتێن سه‌ربلندێن وان، دوژمن و نه‌یار و خوه‌په‌رست ل ئاستێ تێكوشین و بیر و هزرا نه‌ته‌وه‌یی و شۆڕه‌شگێریا وان قه‌هره‌مانان دێ هه‌ر سه‌رشۆڕ مینن، د دووڤڕا پێشانگه‌هه‌كا وێنێن شه‌هیدێن ئێكێ شوباتێ هاته ڤه‌كرن.
