په‌رله‌مانێ كوردستانێ دێ ده‌ست ب روونشتنێن خۆلا بهارێ كه‌ت
د ئێكه‌م روونشتنا خۆلا بهارێ یا په‌رله‌مانێ كوردستانێ دێ خواندنا دوویێ بۆ پرۆژه قانوونا ب رێڤه‌برن و پاراستنا ئاڤێ ل هه‌رێما كوردستانێ دا هێته كرن.
ده‌سته‌یا سه‌رۆكایه‌تیا په‌رله‌مانێ كوردستانێ د به‌یاننامه‌كێ دا به‌لاڤكر، ل رۆژا سێشه‌مبی 1/3/2022 دێ روونشتنا هه‌ژمار (1) یا ئاسایی ژ خۆلا بهارێ ده‌ستپێكه‌ت.
ب گۆره‌ی به‌یانناما سه‌رۆكایه‌تیا په‌رله‌مانی، به‌رنامێ كارێ روونشتنێ دێ ده‌نگدان بیت ل سه‌ر چه‌ند پرۆژه قانوونان ئه‌وژی پرۆژێ قانوونا (پاراستنا ئه‌رشیفی) و پرۆژێ قانوونا چه‌كی و پرۆژێ قانوونا راستڤه‌كرنا ئێكێ یا قانوونا وه‌زاره‌تا كاره‌بێ ل هه‌رێما كوردستانێ، زێده‌باری ئه‌نجامدانا خواندنا دوویێ بۆ پرۆژه قانوونا ب رێڤه‌برن و پاراستنا ئاڤێ ل هه‌رێما كوردستانێ.
