گولیزار سندی: بریارا دادگه‌ها فیدرالی ل دۆر په‌ترۆلا كوردستانێ یا دستووری نینه
جێگرا سه‌رۆكێ لژنا سامانێن سروشتی ل په‌رله‌مانێ كوردستانێ، گولیزار سندی، راگه‌هاند، بریارا دادگه‌ها فیدرالی ل دۆر دۆَسێیا په‌ترۆلا كوردستانێ یا بریاره‌كا سیاسی یه و دیاركر چه‌ندین كۆمبوون دێ هێنه ئه‌نجامدان و هه‌كه پێدڤی بكه‌ت شانده‌كێ بلند یێ هه‌رێما كوردستانێ دێ سه‌ره‌دانا به‌غدا كه‌ت.
ئاماژه‌كر، ئه‌م وه‌كو په‌رله‌مان و حوكمه‌تا هه‌رێمێ دووپات دكه‌ین كو قانوونا په‌ترۆلێ و غازێ ل هه‌رێما كوردستانێ به‌رۆڤاژی دستوورێ ئیراقێ نینه و بریارا دادگه‌ها فیدرالی یا دستووری نینه و مادێن 110 و 111 و 112 ژ دستوورێ ئیراقێ ئه‌و مافه ب هه‌رێما كوردستانێ دایه و حوكمه‌تا هه‌رێمێ ژی بۆ چاره‌سه‌ركرنا كێشێن كه‌رتێ په‌ترۆلێ و غازێ دێ به‌رده‌وام بیت ددانوستاندنان دا ل گه‌ل به‌غدا و یا ل ده‌ف مه گرنك ئه‌وه كو قانوونا په‌ترۆلێ و غازێ ل ئیراقێ بهێته ده‌ركرن و هه‌ولێر و به‌غدا بگه‌هنه رێككه‌فتنێ.
