52 جهێن جودا ل دهۆكێ هاتینه سزادان و داخستن
ئه‌ڤرۆ:
لژنێن هه‌ڤپشكێن ده‌ڤه‌رداریا دهۆكێ ئاشكرا كر، د ده‌مێ دو هه‌یڤێن بۆری دا وان ل باژێرێ دهۆكێ 52 جهێن جودا د ناڤ بازارێ دهۆكێ دا سزاداینه و داخستینه.
ل دووڤ راپورتێن لژنا دووڤچوونا بازاری و لژنا دووڤچوونا كارگه‌ه و عمباران و لژنا دووڤچوونا كافێ و خوارنگه‌هان و لژنا دووڤچوونا پانزیخانان د ده‌مێ دو هه‌یڤێن بۆری دا سه‌ره‌دانا هزار و 112 ماركێت و نانپێژی و عمبار و كافێ و خوارنگه‌ه و ده‌رمانخانه و پانزیخانان ل باژێرێ دهۆكێ هاتیه كرن.
ئاشكرا ژی كریه كو د وان دووڤچوونان دا 23 جه هاتینه داخستن و 29 جه ژی ب گوژمه‌كێ پاره‌ی هاتینه سزادان و نێزیكی 700 كیلۆیێن كه‌رستێن خوارنێ و ڤه‌خوارنێ یێن ئكسپایه‌ر هاتینه ژنافبرن.
