دیندار نه‌جمان دوسكی خوه راده‌ستی پۆلیسان كر
دهۆك، له‌زگین جوقی:
پۆلیسێن پارێزگه‌ها دهۆكێ زانیارێن نوو ل سه‌ر تاوانا كوشتنا كه‌سه‌كی بناڤێ (كامیران یونس) ئاشكراكرن و سێ تۆمه‌تباران ژی ژ به‌ر ڤێ تاوانێ خوه رادستی پۆلیسان كریه.
موقه‌دم هێمن سلێمان، به‌رپرسێ راگه‌هاندنا پۆلیسێن پارێزگه‌ها دهۆكێ راگه‌هاند: “ل رۆژا 18/3/2022ێ هێزێن پۆلیسان هاته ئاگه‌هداركرن، تاوانه‌كا كوشتنێ ل گوندێ پیره‌فاتێ یێ سه‌ر ب ناچه‌داریا زاویته ڤه هاتیه ئه‌نجامدان و زه‌لامه‌كێ 54 سالی ب ناڤێ كامێران یونس ژ ئه‌گه‌رێ پارچه زه‌ڤیه‌كێ هاتیه كۆشتن، پۆلیسان ده‌ست ب دوڤچوون و ڤه‌كۆلینێ كر دیاربوو هه‌ر دوێ رۆژی دا سێ وه‌لاتیان قه‌ستا گوندێ ناڤهاتی كریه و ئه‌و كه‌سێ هاتیه كوشتن ل گه‌ل خوه برینه د ناڤ ئه‌ردی دا و وه‌سا دیاره تێك نه‌گه‌هشتنه‌ك د ناڤبه‌را وان دا چێبوویه و د ئه‌نجام دا ئه‌و گونه‌هلێكری هاتیه كوشتن”.
موقه‌دم هێمن سلێمان ئاشكرا ژی كر كو لاپه‌رێن ڤه‌كۆلینێ ل سه‌ر تاوانێ هاتنه ڤه‌كرن و فه‌رمانا گرتنی بۆ سێ كه‌سان ده‌رچوو، د هه‌مان رۆژ دا، ئانكو ل 18/3 تۆمه‌تباره‌كی خوه راه‌ستی پۆلیسان كر، هه‌ردوكێن دی ژی، كو ئێك ژ وان (دیندار نه‌جمان دوسكی) وه‌زیرێ به‌رێ یێ كۆچ و كۆچبه‌رێن ئیراقێ یه، دوهی 26/2022ێ خوه راده‌ستێ پۆلیسان كرن و گۆت: “ل دووڤ به‌ندێ 405 ژ یاسایێن سزایی، ڤه‌كۆلین د گه‌ل دا دهێته ئه‌نجامدان ب تاوانا كۆشتنێ”.
