پارتی ده‌ستپێشخه‌ریه‌كا نوو بۆ هه‌لبژارتنێن په‌رله‌مانێ كوردستانێ به‌رچاڤ دكه‌ت
فراكسیۆنا پارتی ل په‌رله‌مانێ كوردستانێ ده‌ستپێشخه‌ریه‌كا نوو بۆ هه‌لبژارتنێن په‌رله‌مانێ كوردستانێ به‌رچاڤكر، زانا مه‌لا خالد سه‌رۆكێ فراكسیۆنا پارتی دیاركر، ده‌ستپێشخه‌ری كاراكرنا كۆمسیۆنا بلند یا هه‌لبژارتن و راپرسیانه ل هه‌رێمێ ب گۆره‌ی پێكهاتێ نووی ێ كۆمسیۆنێ، هه‌روه‌سا پێدڤیه سه‌رۆكێ په‌رله‌مانێ كۆمبوونه‌كا په‌رله‌مانی هه‌تا دووماهیا هه‌یڤا ئادارا 2022 رێك بێخیت بۆ كاراكرنا كۆمسیۆنێ.
پێشتر پارتی داخوازدكر ب گۆره‌ی ئه‌نجامێن هه‌لبژارتنێن خۆلا پێنجێ یا په‌رله‌مانێ كوردستانێ ل سالا 2018 كۆمسیۆن بهێته كاراكرن، دهێته زانین نێچیرڤان بارزانی سه‌رۆكێ هه‌رێما كوردستانێ د مه‌رسوومه‌كا هه‌رێمێ دا رۆژا 1-10-2022 دیاركربوو بۆ هه‌لبژارتنێن خۆلا شه‌شێ یا په‌رله‌مانێ كوردستانی.
