جهێن سه‌یرانیێن نه‌ڤرۆزێ ل دهۆكێ دهێنه پاقژكرن
ئه‌ڤرۆ:
هه‌وه‌كا پاقژكرنا جهێن سه‌یرانیێن جه‌ژنا نه‌ڤرۆزێ ل ده‌وروبه‌رێن دهۆكێ ل بشكداریا 60 كرێكار و 10 ترۆمبێلێن راكرنا به‌رمایكان هاته ئه‌نجامدان.
پشكا دووڤچوونا پاقژیێ ل سه‌رۆكاتیا باژێرڤانیا دهۆكێ ب هه‌ڤكاری ل گه‌ل كۆمپانیا (ئه‌رتووش) یا كاروبارێن پاقژیێ به‌رنامه‌كێ ریكخستی ژبۆ پاقژكرنا جهێن سه‌یرانیان ل ده‌وروبه‌رێن دهۆكێ دارێژتیه و چه‌ندین جه ژی هاتینه پاقژكرن.
شیرزاد ته‌یب، به‌رپرسێ پشكا دووڤچوونا پاقژیێ ل سه‌رۆكاتیا باژێرڤانیا دهۆكێ دیار كر كو پشتی جه‌ژنا نه‌ڤرۆزێ تیمێن وان، ده‌ست ب هه‌وه‌كا به‌رفره‌ها پاقژكرنا جهێن سه‌یرانیان كریه و گۆت: “ئه‌ڤ هه‌وه بۆ ده‌مێ چه‌ندین رۆژان یا به‌رده‌وام بوو، دیسا 60 كرێكاران ل گه‌ل چه‌ندین ئامیرێن پێدڤی وه‌كو ترۆمبیلان كو نێریكی 10 ترۆمبێلان بوون، پشكداری د ڤێ هه‌وێ دا كریه”.
ناڤهاتی داخواز ژ سه‌یرانیان كر، ده‌مێ دچنه جهه‌كی سه‌یرانێ پتر گرنگیێ ب پاقژ راگرتنا جهێ خوه بده‌ن و به‌رمایكێن خوه نه‌هاڤێژن.
