ل زاخۆ چار پڕۆژه ژ لایێ خێرخوازه‌كێ ڤه دێ هێنه بجهـئینان
زاخۆ، دلۆڤان و عه‌لی:
به‌رپڕسێ ڕاگه‌هاندنا ئیدارا سه‌ربخوه یا زاخۆ بۆ ڕۆژناما ئه‌ڤرۆ دیار كر، ل ژێر چاڤدێریا گوهدار شێخۆ، سه‌رپه‌رشتێ ئیدارا سه‌ربخوه یا زاخۆ، به‌رێ بنیاتێ بۆ ئاڤاكرنا كۆمه‌لگه‌هه‌كێ هاتیه دانان، كو ژ مالا ئێتیمان، سه‌نته‌رێ ئۆتیزمێ، داینگه‌هـ و جهێ بیركولان پێك دهێت و ئه‌ڤ پڕۆژه ژ لایێ خێرخواز حه‌جی سه‌گڤان سالح ڤه و ب پشته‌ڤانیا ئیدارا سه‌ربخوه یا زاخۆ دێ هێته بجهـئینان. گۆهدار شێخۆ، سه‌رپه‌رشتێ ئیدارا سه‌ربخوه یا زاخۆ ژی گوت:”ڤان پڕۆژه‌یان گرنگیه‌كا زۆر بۆ خه‌لكێ ده‌ڤه‌رێ و ب تایبه‌ت ئه‌و خێزانێن نه‌خۆشێن بیركۆل و ئۆتیزمێ هه‌ین یا هه‌ی”.
