ئه‌زموونێن پۆلا 12 ێ ئاماده‌یی هاتنه پاشخستن
ئه‌ڤرۆ:
وه‌زاره‌تا په‌روه‌ردێ یا حوكمه‌تا هه‌رێما كوردستانێ ئه‌زموونێن دووماهیا وه‌رزێ دویێ، یێن قووناغا 12 ێ ئاماده‌یی بۆ پشتی جه‌ژنا ره‌مه‌زانێ پاشئێخستن.
ئالان حه‌مه سه‌عید، وه‌زیرێ په‌روه‌ردێ یێ حوكمه‌تا هه‌رێما كوردستانێ دوهی رۆژا ئێكشه‌مبی 2/4/2022 راگه‌هاند: ب مه‌ره‌ما ل به‌رچاڤ وه‌رگرتنا به‌رژه‌وه‌ندیا قوتابیێن 12ێ ئاماده‌یی و پتر ده‌لیڤا خواندنێ بۆ بهێته‌دان، كو باشتر بخوینن، ئه‌زموونێن دووماهیا وه‌رزێ دویێ بۆ پشتی جه‌ژنا ره‌مه‌زانێ هاتنه پاشئێخستن.
وه‌زیرێ په‌روه‌ردێ ئاشكرا ژی كر كو ل رۆژا 8/5/2022 ئه‌زموونێن دووماهیا وه‌رزێ دویێ یێن قووناغا 12 ئاماده‌یی دێ ده‌ست پێ كه‌ن و ل رۆژا 17/5/2022 دێ ب دووماهی هێن.
ئه‌ڤه ژی د ده‌مه‌كی دایه، كو وه‌زاره‌تا په‌روه‌ردێ د سالانا خوه یا راستڤه‌كری دا بڕیار دابوو، د هه‌یڤا نیسانێ دا و به‌ری جه‌ژنا ره‌مه‌زانێ ئه‌زموونێن دووماهیا وه‌رزێ دویێ یێن قووناغا 12 ئاماده‌یی بهێنه كرن.
