پلێن پتر ژ هه‌شت هزار پله‌دار و پێشمه‌رگه‌یان هاتنه بلندكرن
ئه‌ڤرۆ:
ل دووڤ فه‌رمانا هه‌ژماره 5103 كو ژ وه‌زاره‌تا پێشمه‌رگه‌ی یا حكومه‌تا هه‌رێما كوردستانێ ل هه‌یڤا ئادارێ ده‌ركه‌فتی، بڕیار هاتیه‌دان پلێن هه‌شت هزار و 485 پله‌دار و پێشمه‌رگه‌یێن سه‌ر ب دیوانا وه‌زاره‌تا پێشمه‌رگه‌ی و لیوایان ڤه بهێنه بلندكرن.
وه‌زاره‌تا پێشمه‌رگه‌ی خویا ژی كریه كو بلنكرنا پلێن وان كارمه‌ند و پێشمه‌رگان، د لیستا پله‌بلندكرنا نه‌ورۆزا ئه‌ڤ ساله دایه و ئه‌و فه‌رمان ژ دو لیستان پێكهاتیه و ژ مووچێ نه‌ورۆزا ئه‌ڤ ساله دێ هێته بجهئینان.
ل دوڤ رێنمایێن وه‌زاره‌تا پێشمه‌رگه‌ی، مووچێ وان كه‌سێن دێ زێده بن، ناڤونیشانێن وان یێن له‌شكری ژی دێ بلند بن.
ل دووڤ یاسایا وه‌زاره‌تا پێشمه‌رگه‌ی، پله‌بلندكرن و مووچێ ده‌ستپێكێ یێ وان پێشمه‌رگان ب دو خشتێن سالانه دهێته كرن، كو دبێژنێ خشتێ نه‌ورۆز و ئیلۆنێ.
