ل ده‌ڤه‌را ئامێدیێ دووڤچوونا بازاری دهێته كرن
ئامێدیێ، مه‌حمود نهێلی:
د به‌رده‌وامیا كارێ خوه دا لژنا ئابووریا ده‌ڤه‌رداریا ئامێدیێ ده‌ست ب سه‌ر رێژه‌كا كه‌ره‌سته‌یێن ده‌م ب سه‌رڤه‌چوویی دا گرت و جهه‌كێ بازرگانی ژی دائێخست.
كاروان حاجی، سه‌رۆكێ لژنا ئابووری و به‌رپرسێ چاڤدێریا بازرگانی ل ده‌ڤه‌رداریا ئامێدیێ بۆ رۆژناما ئه‌ڤرۆ دیار كر، د به‌رده‌وامیا سه‌ره‌دانێن خوه‌دا بۆ دووڤچوونا بازاری و كۆنترۆلكرن ل سه‌ر بهایان و پاراستنا ساخله‌میا وه‌لاتیان، لژنا ئابووری یا ده‌ڤه‌رداریا ئامێدیێ به‌رده‌وام سه‌ره‌دانا بازارێن ده‌ڤه‌رێ دكه‌تو گۆت: “مه دووڤچوونا گرانیا بهایێ كه‌ره‌سته‌یێن خوارن و ڤه‌خوارنێ د بازاری دا كر و پشكنین بۆ كه‌ره‌سته‌یان كر و رێژه‌كا كه‌ره‌سته‌یێن ده‌م ب سه‌رڤه‌چوویی هاتنه ژناڤبرن”.
ناڤهاتی گۆتژی: “ژ به‌ر پێگری نه‌كرن ب رێنمایێن لژنا ئابووری یا ده‌ڤه‌رداریا ئامێدیێ جهه‌كێ بازرگانی بۆ ده‌مه‌كی هاته دائێخستن و سزادان”.
