كۆمێ پاره‌یێ به‌ری 700 سالان ل لالش هاتیه پاراستن
دهۆك، له‌زگین جوقی:
به‌رپرسێ پشكا ره‌وشه‌نبیری ل ده‌سته‌یا بلندا بنگه‌هێ لالش یێ ره‌وشه‌نبیری و كۆمه‌لایه‌تی ل دهۆكێ دیار كر، كۆمه‌كێ پاره‌یێ ل بنگه‌هێ لالش هاتیه پاراستن، كو مێژوویا وی بۆ به‌ری 700 سالان ڤه‌دگه‌ڕیت، كو ژ نحاسی دهاته چێكرن.
شه‌مۆ قاسم، به‌رپرسێ پشكا ره‌وشه‌نبیری ل ده‌سته‌یا بلندا بنگه‌هێ لالش بۆ ئه‌ڤرۆ: “ئه‌ڤ كۆمێ پاره‌یێ تایبه‌ت ژ لایێ ژنێن ئێزدی ڤه د سه‌رده‌مێن كه‌ڤن دا، ب تایبه‌تی د ده‌مێ خوشی و شه‌هیانان دا بۆ خوشی دهاته بكارئینان، ژنان ئه‌و كۆمه ددانا سه‌ر سه‌رێ خوه و ره‌شه‌ك ل سه‌ر دهاته شداندن”.
ناڤهاتی خویا ژی كر، ره‌نگێ وی كۆمی یێ زه‌ر بوو، گه‌له‌ك یێ جوان و سه‌رنجراكێش بوو، ئێكه ژ كه‌لتۆری ئێزدیان، لێ نوكه ئه‌ڤه نه‌مایه بتنی هنده‌ك نیشانیێن وێ ماینه، نوكه د ناڤ ئێزدیان دا كۆم و ره‌شك ماینه و هه‌ر دبێژنێ (كۆمكێ ده‌راڤی) لێ نه ب شێوه‌یێ كه‌ڤن.
