ناڤه‌ندا خانی یا ره‌وشه‌نبیری و راگه‌هاندنێ سێ پرتووكێن دی چاپكرن
دهۆك، زنار تۆڤی:
پرۆژێ چاپكرنا پرتووكان ل ناڤه‌ندا خانی یا ره‌وشه‌نبیری و راگه‌هاندنێ یێ به‌رده‌وامه و به‌ری چه‌ند رۆژان سێ پرتووكێن دی
هاتینه چاپكرن.
ئیسماعیل بادی، ئه‌ندامێ لژنا ره‌وشه‌نبیری ل ناڤه‌ندا خانی یا ره‌وشه‌نبیری و راگه‌هاندنێ بۆ رۆژناما ئه‌ڤرۆ دیاركر كو ژبۆ به‌رده‌وامییا پرۆژێ چاپكرنا پرتووكان ل ناڤه‌ندا خانی یا ره‌وشه‌نبیری و راگه‌هاندنێ، كو ئه‌ڤ پرۆژه یێ به‌ردوامه و نوكه ژی سێ پرتووكێن دی ژ چاپێ ده‌ركه‌فتینه، هه‌روه‌سا هه‌تا نوكه ناڤه‌ندا خانی یا ره‌وشه‌نبیری و راگه‌هاندنێ 27 پرتووك چاپكرینه، ئه‌و هه‌رسێ پرتووكێن نوكه هاتینه چاپكرن ب ناڤێ (شه‌هیدێ سه‌ركرده وه‌حید باكۆزی هێمایێ سه‌رخوه‌بوون و ئازادیێ، كو ژ نڤێسین و به‌رهه‌ڤكرنا خۆرشید توفیق باكۆزی یه، ئه‌ڤ پرتووكه ژ 200 به‌رپه‌ران پێك دهێت و به‌حسێ خه‌بات و خوراگریا شه‌هیدێ سه‌ركرده وه‌حید باكۆزی دكه‌ت، هه‌روه‌سا پرتووكا بیرهاتن و خه‌باتا شۆره‌شگێری، كو ژ نڤێسینا عیسا عه‌بدوللا بیگداودی یه، ئه‌ڤ پرتووكه ژ 240 به‌رپه‌ران پێك دهێت، كو ناڤهاتی بیره‌وه‌ریێن خوه یێن پێشمه‌رگایه‌تیێ نڤیساینه، هه‌روه‌سا پرتووكا شوینده‌وسێن مێژوویێ، كو ژ نڤێسینامه‌سعود خالد گۆلی یه، ئه‌ڤ پرتووكه ژ 202 به‌رپه‌ران پێك دهێت، د وێ پرتووكێ دا چه‌ندین روودانێن مێژوویی هاتینه به‌حسكرن و پرتووكه‌كا وێنه‌داره.
