وه‌زاره‌تا خوندا بلند بڕیاره‌كێ د به‌ڕژه‌وه‌ندیا قوتابیان دا دده‌ت
هه‌ولێر، سولین سلێمان:
وه‌زاره‌تا خوندا بلند بڕیاره‌كا نوو د به‌رژه‌وه‌ندیا قوتابیان دا ده‌رئێخست و ئێدی باوه‌رنامه ل دووڤ سیسته‌مێ ئه‌لكترۆنی دێ هێنه ده‌رئێخستن.
دكتور ئارام محه‌مه‌د، وه‌زیرێ خواندنا بلند و ڤه‌كۆلینێن زانستی بۆ رۆژناما ئه‌ڤرۆ دیار كر، د نوكه دا ده‌رچوویێن خواندنا بلند دشێن ب شێوێ ئونلاین هه‌ر دكیومێنته‌كا هه‌بیت پێشكه‌ش بكه‌ن و گۆت: “ژ به‌ر پێشڤه‌چوونا هه‌موو سێكته‌رێن خواندنا بلند و قوتابیێن بیانیژی ل كۆلێژێن مه ده‌ست خواندنێ كرینه ژبۆ ب ده‌ستڤه‌ئینانا باوه‌رنامێ دیسا ژی گه‌له‌ك خوه‌نده‌كارێن بیانی هه‌نه سه‌ره‌دانا هه‌رێما كوردستانێ كرینه، داكو بشێن بخوینن، له‌و مه ب فه‌ر دیت سیسته‌مێ ئه‌لكترۆنی بۆ ده‌رئێخستنا باوه‌رنامان بدانین”.
دكتۆر ئارام ئه‌و ژی به‌حس كر كو ئه‌و هه‌ر ل سالا 2017 وه‌ره ل سه‌ر سیسته‌مێ ئه‌لكترۆنیكرنا یه‌كسانكرنا باوه‌رنامان كار دكه‌ن، د نوكه دا ئه‌و سیسته‌مه یێ به‌رده‌سته و خوه‌نده‌كار دشێن مفای ژێ ببینن، هه‌ر ل مالێن خوه ب رێكا موبایلێن زیره‌ك و كۆمپیوته‌رێن خوه ب شێوێ ئونلاین دشێن یه‌كسانكرنا باوه‌رنامێن خوه بڤی شێوه‌ی برێڤه ببه‌ن و پێشكه‌ش بكه‌ن و گۆت: “مه ئه‌ڤ چه‌نده كریه ژ بۆ كار ئاسانیا قوتابیان، كو بشێن هه‌ر ل مالێن خوه كارێن تایبه‌ت ب خواندنێ ڤه ب رێڤه‌ببه‌ن، بێكو سه‌ره‌دانا وه‌زاره‌تێ بكه‌ن”.
