26 پڕۆژه‌یێن خزمه‌تگوزاری ل دهۆكێ دهێنه ئه‌نجامدان
ئه‌ڤرۆ:
ده‌ڤه‌ردارێ دهۆكێ دیار كر، حكومه‌تا هه‌رێما كوردستانێ ب گوژمێ 10 ملیار و 132 ملیۆن دینار بۆ 26 پڕۆژه‌یێن جودا یێن خزمه‌تگوزاری ل پارێزگه‌ها دهۆكێ ته‌رخانكرن.
جه‌هوه‌ر عه‌لی، ده‌ڤه‌ردارێ دهۆكێ بۆ مالپه‌رێ فه‌رمیێ پارتی دیموكراتی كوردستان گۆت: “ئه‌و پڕۆژه‌یێن دهێنه ئه‌نجامدان دبیاڤێن رێیێن گوندان، ئاڤ، كاره‌ب و په‌روه‌ردێ دانه و ل سه‌ر رێڤه‌به‌ریێن سنوورێن پارێزگه‌ها دهۆكێ هاتینه به‌لاڤكرن و ل باژێرڤانیێن باژێری و باژێرڤانیێن ده‌رڤه‌ی باژێری دهێنه ئه‌نجامدان، وه‌ك: باژێرڤانیێن زاویته و مانگێشكێ.
ده‌ڤه‌ردارێ دهۆكێ ئاشكرا كر، 20 ملیار دینارێن دی بۆ چه‌ندین پڕۆژه‌یان هاتینه ته‌رخانكرن و رازیبوونا ده‌ستپێكێ ژ ئالیێ سه‌رۆكێ حكومه‌تا هه‌رێما كوردستانێ ڤه ل سه‌ر هاتیه‌دان، ب رێكا پشكا ئه‌ندازیاری و رێڤه‌به‌ریێن په‌یوه‌ندیدار ئاماده‌كاری بۆ هاتینه‌كرن، ئه‌و ژی دێ زێده‌تر بۆ دروستكرنا رێكێن ناڤخوه و گوندان بن.
