وه‌لاتيێن ڤان وه‌لاتان نه‌شێن سه‌ره‌دانا هه‌رێمێ بكه‌ن
ئه‌ڤرۆ نيوز، نيوار محه‌مه‌د سه‌ليم:
مالپه‌رێ فه‌رمى يێ رێڤه‌به‌ريا كۆمه‌لگه‌ها ده‌رگه‌هێ نێڤده‌وله‌تى يێ ئيبراهيم خه‌ليل به‌لاڤكريه كو ژ به‌ر هه‌بوونا نه‌خۆشيا ڤايرۆسى يا ئيبۆلا ئه‌و وه‌لاتێن ئه‌ڤ نه‌خۆشيه لێ به‌ربه‌لاڤ نه‌شێن سه‌ره‌دانا هه‌رێما كوردستانێ بكه‌ن.
د نڤيساره‌كێ دا رێڤه‌به‌ريا گشتى يا گۆمركان كو ئاماژه ب نڤيسينا گۆمركا ئيراهيم خه‌ليل يا هژمار 15515 ل 3\8\2014 كريه كو تێدا هايته: “ب گۆره‌ى ئه‌و پێزانينێن ل به‌ر ده‌ستێ مه ئه‌ڤ وه‌لاتێن ل خارێ دياركرى كو ئه‌ڤ ڤايرۆسه يێ تێدا به‌ربه‌لاڤه و ل ده‌مێ سه‌ره‌دانا وان بۆ هه‌رێما كوردستانێ پێدڤيه ب رێيا فورمێ پێزانينان ژێ وه‌رگرن و پلا گه‌رما وى كه‌سى بهێته گرتن، هه‌كه دياربوو يا بلنده كو نه‌يا ئاسايى يه، پێديڤه بنگه‌هێ ساخله‌ميێ يێ كۆمه‌لگه‌هێ بهێته ئاگه‌هداركرن”.
ديسا ژى ئاماژه ب وێ چه‌ندێ ژى كريه كو رێكخراوان نێڤده‌وله‌تيا يا ساخله‌ميا جيهانى ب تنێ گه‌شتكرنا وه‌لاتيێن هه‌ر ئێك ژ گينيا و ليبريا و سيراليون و ناجيريا كريه و گه‌ل ئه‌و وه‌لاتيێن ل گه‌ل وه‌لاتيێن ڤان وه‌لاتان تێكه‌ل ببيت.
![Capture [800x600]](http://evronews.net/ku/wp-content/uploads/2014/10/Capture-800x600.jpg)
