بیرهوهریا سێدارهدانا چار ئهفسهرێن كورد ل ئامێدیێ هاته ساخكرن
ئامێدیێ، مهحمود نهێلی:
ب بهرههڤبوونا مالباتا شههیدێ سهركرده (عیزهت عهبدولعهزیز) و ههژماهركا بهرپرس و كادرێن حزبی و حكومی، حهفتێ و پێنجهمینسالیا سێدارهدانا ههر چار ئهفسهرێن كورد (عیزهت عهبدولعهزیز، مستهفا خوشناو، خهیروللا عهبدولكهریم و محهمهد مهحمود قودسی) دوهی 19/6/2022 ل سهر گورێ شههید “عیزهت عهبدولعهزیز” ل كانیا سنجێ ژ لایێ لقێ 18 یێ پارتی و دهڤهرداریا ئامێدیێ ڤه هاته ساخكرن.
عومهر ئورهی، بهرپرسێ لقێ 18 یێ پارتی د پهیڤهكێ دا بهحسێ بزاڤا ئازادیخوازا گهلێ كورد و رۆلێ ڤان چار ئهفسهرێن كوردپهروهر و چاڤنهترس د رێكخستن و سهركردایهتیكرنا لهشكرێ كۆمارا كوردستانێ ل مهابادێ كر و گوت: “شههید عیزهت عهبدولعهز ژ بنهمالهكا كوردپهروهر و دلسۆز و خودان خهبات و گهلهك شههیده، رۆلێ وان چ جاران ناهێته ژبیركرن، كو ههتا نها ل سهر رێبازا بارزانیێ نهمر دبهردهوامن ل سهر خهباتێ، دهستكهفتێن ئهڤرۆ ژی بهرههمێ خوونا ڤان مێرخاس و عهگیدانه”.
سالح محسن، د پهیڤا خوه دا ژ پێش بنهمالێڤه، سوپاسیا لقێ ١٨ و دهڤهرداریا ئامێدیی و ههموو بهرههڤبوویان كر و بهحسێ ژیان و خهباتا شههید “عیزهت عهبدولعهزیز” كر، دیسا و ئاماژه كره بیر و بۆچوونێن شههیدی، كو ههر ل زارۆكینیا خوه مرۆڤهكێ كوردپهروهر بوویه و دلسۆزێ مللهتێ خوه بوو، ههتا گیانێ خوه كریه قوربان.
