لژنهك بۆ دووڤچوونا ئهگهرێن سۆتنا ترۆمبێلان هاته پێكئینان
دهۆك، لهزگین:
پهیڤدارێ رێڤهبهریا هاتنوچوونا پارێزگهها دهۆكێ دیار كر، لژنهك ژ رێڤهبهریا هاتنوچوونێ و دام و دهزگههێن ئهمنی ل دهۆكێ هاته پێكئینان بۆ دووڤچوونا ئهگهرێن سۆتنا ترۆمبێلان ل دهۆكێ.
موقهدهم ئازاد تهها، پهیڤدارێ رێڤهبهریا هاتنوچوونا پارێزگهها دهۆكێ د كۆنگرهكێ رۆژنامهڤانی دا راگههاند: “ئهڤ ساله 20 روودانێن سۆتنا ترۆمبێلان هاتینه تۆماركرن، بتنێ رۆژهكێ دا سێ روودانێن سۆتنا ترۆمبێلان یێن هاتینه تۆماركرن، لهو لژنهك بۆ دووڤچوونا ئهگهرێن سۆتنا ترۆمبێلان هاتیه پێكئینان، د ڤی وهرزێ سالێ دا پتر ترۆمبیلێن بچووك هێنه سۆتن، لهو پێدڤیه شۆفێر ترۆمبێلا خوه ب پشكنیت بهری قهستا رێیێن دوور بكهت”.
ئاشكرا ژی كر كو پتریا روودانان ژ ئهگهرێ دهستكاریێ پهیدابووینه، ب تایبهتی ژی گوهۆڕینا ترۆمبیلان ژ پانزینی بۆ گازێ و غازێ، لێ د وان روودانێن سۆتنا ترۆمبێلان دا چو كهسان گیانێ خوه ژ دهست نهدایه و گۆت: “ل دهۆكێ د ماوێ پێنج ههیڤین بۆری دا 331 روودانێن هاتنوچوونێ پهیدابووینه، د ئهنجام دا ژی 31 كهسان گیانێ خوه ژ دهست دایه و 428 كهس ژی بریندار بووینه”.
