بایدن :بۆ ئه‌مریكا گرنگه ئیراق ب هه‌رێما كوردستانێ ژی ڤه یا سه‌قامگیر بیت
ئه‌ڤرۆ:
پشتی دانوستاندنێن د ناڤبه‌را مسته‌فا كازمی، سه‌رۆك وه‌زیرێن ئیراقێ و جۆ بایدن، سه‌رۆكێ ئه‌مریكا ل سعودیێ، كۆچكا سپی و نڤیسینگه‌ها كازمی به‌یاننامه‌كا هه‌ڤپشك به‌لاڤكر.
ل دووڤ وێ به‌یاننامێ هه‌ردو ئالیان دووپاتی ل گرنگیا پێكئینانا حوكمه‌تا نوو یا ئیراقێ كر كو ل دووڤ حه‌زا گه‌لێ ئیراقێ بیت و رێز ل دیموكراسیێ ل ئیراقێ بهێته گرتن.
جۆ بایدنی راگه‌هاند” بۆ ئه‌مریكا گرنگه، ئیراق ب هه‌رێما كوردستانێ ژی ڤه یا سه‌قامگیر و ئێكگرتی بیت”.
ل دۆر ب هێزكرنا ده‌زگه‌هێن دیموكراسی ل ئیراقێ، به‌یاننامێ باسكر” هه‌ردو ئالیان دووپاتی ل گرنگیا ب هچزكرنا ده‌زگه‌هێن دیموكراسی ل ئیراقێ كر ب شێوه‌كی كو ده‌زگه‌هێن ئه‌منی یێن ئیراقێ بشێن ئێمناهیێ و سه‌قامگیریێ ل ئیراقێ و ده‌ڤه‌رێ بده‌ستڤه‌بینن”.
وێ به‌یاننامێ ئاماژه‌كریه” بایدن و كازمی باس ل هه‌ژماره‌كا دۆسێیێن هه‌رێمی كر و رێككه‌فتن ل سه‌ر وێ چه‌ندێ كو په‌یوه‌ندیێن د ناڤبه‌را ئیراقێ و ئه‌مریكا ل سه‌ر بنه‌مایێ به‌رژه‌وه‌ندیێن هه‌ڤپشك و ب هێزكرنا سه‌روه‌ریا ئیراقێ، سلامه‌تیا ئاخ و ته‌ناهیێ و سه‌قامگیریا وێ بیت، هه‌روه‌سا پێگیربوون ب هێزكرنا هه‌ڤپشك یا دوقۆلی د به‌رژه‌وه‌ندیا هه‌ردو وه‌لاتان دا”.
ل دووڤ وێ به‌یاننامێ” هه‌ردو ئالیان دووپاتی ل گرنگیا پێكئینانا حوكمه‌تا نوو یا ئیراقێ كر كو به‌رسڤا حه‌زا گه‌لێ ئیراقێ بیت و رێز ل دیموكراسی و سه‌ربخوه‌یا وه‌لاتی بهێته گرتن”. به‌یاننامێ ئاماژه‌كر كو جۆ بایدن راگه‌هاند ژی” بۆ ئه‌مریكا گرنگه ئیراق ب هه‌رێما كوردستانێ ژی ڤه یا سه‌قامگیر و ئێكگرتی بیت”.
هه‌ردو سه‌ركردان پێگیریا خوه دوپاتكر ب رێككه‌فتنا ستراتیژی بۆ هه‌بوونا په‌یوه‌ندیه‌كا دۆستایه‌تی و هه‌ڤكاری دناڤبه‌را ئه‌مریكا و ئیراقێ دا كو بوارێن سیاسی، ئابووری، كولتووری و ئاسایشێ یا هه‌ردو وه‌لاتان رێك دئێخیت، بایدنی دوپاتی ل پشته‌ڤانیكرنا ئیراقێ د شه‌رێ دژی تیرۆرێ دا كر.
ل دووڤ به‌یاننامێ” بایدنی و كازمی دانوستاندن ل دۆر گرنگیا رۆلێ هه‌رێمێ یێ ئیراقێ كر، ژ وان ژی ئاسانكاری د په‌یوه‌ندی و ئاڤاكرنا باوه‌ریێ د ناڤبه‌را وه‌لاتێن ده‌ڤه‌رێ. سه‌رۆك بایدن ب تایبه‌تی ستایشا بزاڤێن گرن گیێن دبلۆماسی ب سه‌رۆكایه‌تیا كازمی كر بۆ ب هێزتركرنا سه‌قامگیریێ و په‌یوه‌ندیێن دناڤبه‌را وه‌لاتێن ده‌ڤه‌رێ، رێككه‌فتنا دیرۆكی كو ل ڤێ دووماهیێ دناڤبه‌را ئیراقێ و ده‌سته‌یا گرێدانا كه‌نداڤی هاتیه كرن، وزێ ب بهایه‌كێ گونجای بۆ ئیراقێ دابین دكه‌ت و دێ هاریكار بیت بۆ دابینكرنا پێدڤیێن وه‌لاتیان، سه‌رۆك بایدن دووپاتی ل گرنگیا رۆلێ ئه‌مریكا كر د ئاڤاكرنا ئابووره‌كێ ڤه‌ژاندی و فره‌ژێده‌ر بۆ ئیراقێ كر ب جۆره‌كی كو گرێدای بیت ب سیسته‌مێ ئابووریێ ده‌ڤه‌رێ ڤه و بشێت پێدڤیێن سه‌ره‌كی یێن گه‌لێ ئیراقێ دابین بكه‌ت”.
