16 كهسان ب روودانێن خهندقینێ و ئاگری گیانێَ خوه ژ دهست دایه
ئهڤرۆ:
بهرپرسێ راگههاندنا رێڤهبهریا بهڕهڤانیا باژێری ل پارێزگهها دهۆكێ دیار كر، د شهش مههێن ئێكێ یێن ئهڤ ساله دا ل پارێزگهها دهۆكێ 16 كهسان ب روودانێن خهندقینێ و ئاگربهربوونێ گیانێ خوه ژ دهست دایه و 31 ترۆمبێل ژی سۆتینه.
موقهدم بێوار عهبدولعهزیز، بهرپرسێ راگههاندنا رێڤهبهریا بهڕهڤانیا باژێری ل پارێزگهها دهۆكێ دوهی 17/7/2022 د كۆنگرهكێ رۆژنامهڤانی دا ئامارا روودانێن ئاگربهربوون و خهندقینێ یێن رۆژێن جهژنێ و شهش مههێن ئێكێ یێن ئهڤ ساله ل پارێزگهها دهۆكێ راگههاندن.
موقهدم بێوار گۆت: “د رۆژێن جهژنا قوربانێ دا ل پارێزگهها دهۆكێ 69 روودانێن ئاگربهربوونێ ل پارێزگهها دهۆكێ رووداینه، ژ وان 13 ترومبێل بوون، سێ كهس د ئاڤێن رووبار و سكران ژی دا خهندقینه”.
گۆتژی: “ئهڤ ساله ب گشتی 954 روودانێن ئاگربهربوونێ ل پارێزگهها دهۆكێ رووداینه، ژ وان ژی 31 ترۆمبێل سۆتینه”.
ناڤهاتی زێدهتر د وی كۆنگرێ رۆژنامهڤانی دا گۆت: “ئهڤ ساله ل پارێزگهها دهۆكێ 13 كهس د ئاڤان دا خهندقینه، دیسا سێ كهسان ژی د روودانێن ئاگربهربوونێ دا گیانێ خوه ژ دهست دایه، دیسا ب گۆژمێ سێ ملیار و 300 ملیۆن دیناران زیان گههشتینه جهێن گشتی و وهلاتیان”.
