چهندین رۆژه گوندهكێ ناوچهداریا دێرهلۆكێ مایه بێ ئاڤا ڤهخوارنێ
ئامێدیێ، مهحمود نهێلی:
بۆ دهمێ چهندین رۆژایه ئاڤا ڤهخوارنێ یا گوندێ هاریكا ل سنوورێ ناوچهداریا دێرهلۆكێ هاتیه بڕین و گوند مایه بێ ئاڤا خوارانێ ئهڤ یهكه ژی بوویه جهێ گازندا خهلكێ گوندێ ناڤبری.
ئهحمهد رهشید، خهلكێ گوندێ هاریكا بۆ رۆژناما ئهڤرۆ دیار كر، 10 رۆژان بهری نوكه ئاڤا گوندێ وان كێم ببوو، نوكه ههر ب ئێك جاری ئاڤ نهما و ئاڤ ناگههیته گوندی و گۆت: “ڤێ گهرمێ ئهم بێ ئاڤ نهشێین بژین، ژ بهركو مه گهلهك پێدڤی ب ئاڤێ ههیه”.
ناڤبری ئاشكرا ژی كر، ههتا نوكه ئهگهرێ كێمبوون و قوتبوونا ئاڤا وان نههاتیه زانین، لێ چێدبیت ژ بهر شكهستنا بۆریێن ئاڤێ یان ژی هشكهسالیێ بیت و گۆت: “مه ژلایێ خوه ڤه ئاگههداریا جهێن پهیوهندیدار كریه و چاڤهرێی چاسهریهكێینه، ئهم هیڤیدارین ب زووترین دهم ئاریشا ئاڤا مه بهێته چارهسهركرن”.
