ب پیشكداریا 400 ئهندامان بنگههێ لالش دێ كۆنگرێ خوه ئهنجام دهت
دهۆك، لهزگین جوقی:
سهرۆكێ پشكا رهوشهنبیری ل دهستهیا بلندا بنگههێ لالش یێ رهوشهنبیری و جڤاكی دیار كر، سێ لژنه بۆ ئهنجامدانا كۆنگرێ دهستهیا بلندا بنگههێ لالش هاتینه پێكئینان و دبێژیت: ئهڤ ساله دێ كۆنگرێ بنگههێ لالش ل هۆلا كۆنفرانسان یا زانكۆیا دهۆكێ هێته ئهنجامدان.
شهمۆ قاسم، سهرۆكێ پشكا رهوشهنبیری ل دهستهیا بلندا بنگههێ لالش یێ رهوشهنبیری و جڤاكی بۆ رۆژناما ئهڤرۆ گۆت: “ههموو بهرههڤی بۆ ئهنجامدانا كۆنگرێ بنگههێ لالش هاتینه كرن و د ڤێ مههێ دا، دبیت ژی ل رۆژا 28/7/2022 بنگههێ لالش كۆنگرێ خوه یێ 14ێ ئهنجام بدهت، لژنێن پێدڤی بۆ ب رێڤهبرنا كۆنگرهی هاتینه پێكئینان، نوكه كار د قووناغێن دووماهیێ دایه و كۆنگره بۆ دهمێ رۆژهكێ دێ یێ بهردهوام بیت، روونشتنا ئێكی یا كۆنگرهی دێ یا ڤهكری بیت و روونشتنێن د دووڤ دا دێ دگرتی بن و ههژمارهكا زۆرا مێهڤانان دێ بهرههڤ بن”.
گۆتژی: “بنگههێ لالش پتر ژ چار هزار ئهندامان ههنه و ههتا 400 ئهندامێن بنگههی ماف ههیه پێشكداریێ د كۆنگرێ 14یێ بنگههێ لالش دا بكهن”.
