ئه‌مریكا: مه هۆشداری دایه توركیا
ب، سه‌رجان مه‌حمود:
جۆن كێربی په‌یڤدارێ وه‌زاره‌تا به‌رگریێ یا ئه‌مریكا راگه‌هاند كو ئۆپه‌راسیۆنێن وان و هێزێن سووریا دیموكرات ل دژی داعشێ ب هه‌ماهه‌نگی به‌رده‌وام دكه‌ن و بۆ ڤێ چه‌ندێ ئۆپه‌راسیۆنه‌كا نوو یا توركیا ل دژی باكورێ سووریێ دێ زیانێ گه‌هینته شه‌رێ ل دژی داعشێ و ئه‌و یه‌ك ژ ئالیێ ئه‌مریكا ڤه ب چو ره‌نگه‌كێ ناهێته قه‌بوولكرن و گۆت: (ئه‌ز جاره‌كا دی دوپات دكه‌م كو ئه‌م ب توندی ل دژی ئۆپه‌راسیۆنه‌كا نوو یا توركیا ل باكورێ سووریێ نه و ئۆپه‌راسیۆنا توركیا دێ زیانه‌كا مه‌زن گه‌هینته وه‌لاتیێن سڤیل و دێ بیته ئه‌گه‌رێ بهێزبوونا رێكخستنا تیرۆرستی یا داعشێ و بۆ ڤێ چه‌ندێ ئه‌م ب ته‌مامی ل دژی ئۆپه‌راسیۆنه‌كا سه‌ربازی یا توركیا نه و د ره‌وشا نها دا تێكۆشینا مه بۆ ب ته‌مامی ژناڤبرنا داعشێ به‌رده‌وام دكه‌ت).
ناڤهاتی هه‌روه‌سا راگه‌هاند ژی كو ئه‌و دخوازن ره‌وشا سووریێ ئارام بیت و كار بۆ چاره‌سه‌ر‌كرنا ئالۆزیێن ل سووریێ دكه‌ن و ل گه‌ل هه‌ڤپه‌یمانێ خوه یێ ل باكورێ سووریێ د ناڤ هه‌ماهه‌نگیه‌كا باش دانه و گۆت: (سه‌رۆك بایدن به‌ری نها هۆشداری دا به‌رپرسێن توركیا كو نابیت ره‌وشا ئارام یا باكورێ سووریێ ژناڤ ببه‌ن و دیار كر كو ئه‌و ب هه‌موو ره‌نگه‌كێ ل دژی هندێ نه كو ئه‌نقه‌ره ده‌ست ب ئۆپه‌راسیۆنه‌كا نوو ل باكورێ سووریێ بكه‌ت).
