سالڤهگهڕا كۆمكوژیا ئاشووریان هاته ساخكرن
دهۆك، لهزگین جوقی:
بیرهوهریا جینوسایدكرنا ئاشووریان ل دهڤهرداریا سێمێلێ هاته ساخكرن، كو ل سالا 1933 ل سێمێلێ ئاشووری هاتبوونه جینۆسایدكرن.
شهمعون شلیمۆن، جێگری پارێزگاری دهۆكێ بۆ رۆژناما ئهڤرۆ دیار كر، ل رۆژا 7/8/1933ێ خهلكێ ئاشووری ل گرێ سێمێلی ژ لایێ حكومهتا وی دهمی ڤه یا مهلهكی هاتنه جینۆسایدكرن و گهلهك زارۆك و ژن و كچ و زهلام و كهسێن دانعهمر هاتنه كوشتن و گۆت: “ئهڤ ساله ئهڤ بیرهوهریا نهخۆش ل دهڤهرداریا سێمێلی هاته ساخكرن، ئهڤ ژی وێ دگههینیت، كو مللهتێ كورد ب ههموو پێكهاتێن خوهڤه ب درێژاهیا دیرۆكێ تووشی زۆلم و ستهمێ بوویه، خهلكێ هاتیه جینوسایدكرن ئهگهر ژی ژ بهركو خهلكی داخوازا مافێن خوه كریه، یێن هاتینه جینۆسایدكرن، ئاشووریان ژی ل وی دهمی داخوازا مافێن خوه دكر، لێ ژ لایێ حكومهتا مهلهكی ڤه هاتینه جینۆسایدكرن”.
جێگرێ پارێزگارێ دهۆكێ ئاشكرا ژی كر، ب ڤێ ههلكهفتا دلتهزین، خهلكێ مهسیحی ب رێیێن ههمهجۆر چالاكیان ئهنجام ددهن و ڤێ رۆژێ ب بیر دئینن.