ئه‌ردۆغان و ئه‌سه‌د ل ئۆزبه‌كستانێ كۆم دبن

ب، سه‌رجان مه‌حمود:

ئاژانسا سپۆتینگ یا رۆسیا راگه‌هاند كو د چارچۆڤێ كۆمبوونا بلند یا هه‌ڤپه‌یمانیا شه‌نگای دا ل 17 ئیلۆنێ دێ سه‌رۆك كۆمارێ توركیا و سه‌رۆكێ رژێما سووریێ ل ژێر چاڤدێریا رۆسیا هه‌ڤدیتنه‌كی ساز كه‌ن، چونكی بریارا هه‌ڤدیتنا ئه‌ردۆغانی و ئه‌سه‌دی د كۆمبوونا سۆچی دا هاتیه‌ وه‌رگرتن و ڤیلاده‌میر پۆتین سه‌رۆكێ رۆسیا ژی ناڤبژیڤانیێ دناڤبه‌را هه‌ردو ئالیان دا دكه‌ت.

هه‌روه‌سا ئاژانسێن نووچه‌یان راگه‌هاندن كو سه‌رۆكێ رژێما سووریێ به‌ری كۆمبوونا ل گه‌ل ئه‌ردۆغانی داخوازا ڤه‌كێشینا توركیا ژ ئاخا سووریێ دكه‌ت لێ هه‌تا نها ئالیێ توركیا به‌رسڤا داخوازیا به‌شار ئه‌سه‌دی نه‌دایه‌ و ئیران و رۆسیا ژی هه‌ول دده‌ن توركیا رازی بكه‌ن دا كو ژ ئاخا سووریێ ده‌ركه‌ڤیت، هه‌روه‌سا داخواز ژ توركیا هاتیه‌ كرن كو ئێدی هه‌ڤكاریا كۆمێن چه‌كدار نه‌كه‌ت و ئه‌ردۆغان ژی ل هه‌مبه‌ر بجهكرنا داخوازیێن ئیرانێ و رۆسیا مه‌رجێ نه‌مانا رێڤه‌به‌ریا خوه‌سه‌ر یا رۆژئاڤایێ كوردستانێ و ژناڤبرنا هێزێن سووریا دیموكرات دكه‌ت لێ هه‌تا نها وان وه‌لاتان ژی ب فه‌رمی به‌رسڤا ئه‌ردۆغانی نه‌داینه‌.

کۆمێنتا تە