گرنگترین تایبه‌تمه‌ندیێن ئه‌ندرۆید 13
هه‌رسال سیسته‌مێ ئه‌ندرۆید خوه نوو دكه‌ت و نها Android 13 ل به‌ر ده‌سته و ناڤێ وی یێ لڤینی ترامیسۆ یه و به‌رده‌وام د گه‌شه‌كرنێ دایه، به‌لێ نها گه‌له‌ك تایبه‌تمه‌ندی نینن، به‌لێ زێده‌تر یێ تایبه‌تمه‌نده ب تێستكرنا بكارئینانێ و پاراستنا ئه‌منیه‌ت و تایبه‌تمه‌ندیان و هنده‌ك نووكاریێن زێده بۆ هاتینه كرن و دێ گرنگترینان به‌رچاڤ كه‌ین.
– باشتركرنا شیانێن كۆپی پێست
نها ل ده‌مێ تو كۆپی دكه‌ی دێ لیسته‌ك ل بنێ شاشێ بۆ ته دیار بیت هنده‌ك رێكارێن ب له‌ز یێن تێدا ل دۆر وی بابه‌تێ دێ پێست كۆپی كه‌ی بۆ نمۆنه وه‌كو هنارتنا تێكستی بۆ ئامیره‌كێ دی یێ گرێدای هه‌مان هه‌ژمارا گۆگلی یان د رۆپه‌له‌كێ ئه‌نترنێتێ دا ئێكسه‌ر یان په‌یوه‌ندی ب ژمارا كۆپی كری ئێكسه‌ر. ئه‌ڤ هه‌موو تایبه‌تمه‌ندیه د فایله‌كا كلیپ بۆرد دا دهێنه سه‌یڤكرن ب ره‌نگه‌كێ ئوتۆماتیكی. به‌لێ دێ ئۆتۆماتیكی هه‌موو ده‌مژمێران هێنه دیلێتكرن بۆ سلامه‌تیا تایبه‌تمه‌ندیێ.
– كاركرنا موزیكی
د كاركرنا موزیكێ دا، لیستا ئاگه‌هداكرنا هێله‌كێ نیشان دده‌ت كو ل ده‌مێ دانه كاری. جهێ هنده‌ك دوگما ژی هاتیه گوهۆڕین بۆ ب ساناهیخستنا كۆنترۆلی. دیسا خاسیه‌تا گوهۆڕینا ناڤبه‌را ژێده‌رێن ده‌نگی ژی باشتر لێ كریه دا كو بشێین ب ساناهی سه‌ره‌ده‌ریێ ل گه‌ل مایكێن سه‌ری و ده‌نگێ مۆبایلێ بكه‌ین.
– باشتركرنا هه‌لبژارده‌یێن تایبه‌تمه‌ندیێ
1- هه‌موو رێكخستن و تایبه‌تمه‌ندی و پاراستن ل ئێك جه كۆمكرینه ب ناڤێ “Security & Privacy” ب ره‌نگه‌كی دشیان دایه كا چو ئه‌پێن ب زیان هه‌نه یان نه و رێكارێن پێدڤی ل دژی بهێته وه‌رگرتن بۆ پاراستنا مۆبایلێ.
2- د ئه‌ندرۆید 13 دا، ل سه‌ر ته نه‌یا پێدڤیه هه‌موو ده‌سته‌لاتان بده‌یه جهێ موسیقێ، به‌لكو دشیان دایه وێنه و ڤیدیۆ بهێنه ده‌ستنیشانكرن یێن ته دڤێت ئه‌پ بگه‌هیته ل شوونا ئه‌پ بچیته ناڤ هه‌موو تشتان.
3- رۆپه‌لێ “Privacy dashboard” د تایبه‌تمه‌ندیان دا لیستا گه‌هشتن ب كامیرێ و مایكێ و جهێ جوگرافی و یێن دی د ماوێ حه‌فت رۆژان دا دده‌ت ل شوونا 24 ده‌مژمێران.
– كۆنترۆله‌كا زێده‌تر د ئاگه‌هداركرنا ئه‌پان دا
د ئه‌ندرۆید 13 دا، دشیان دایه كونرۆل د گه‌هشتنا ئاگه‌هداركاریێن هه‌موو ئه‌پان دا بهێته كرن ب ره‌نگه‌كێ جودا، هه‌روه‌كو ئایفۆنێ. دێ ته كه‌ته هه‌لبژێر د ناڤبه‌را رێ دان و رێ نه‌دان ل گه‌ل ڤه‌كرنا ئه‌پلیكه‌یشنێ و پشتی هه‌ر نووكاریه‌كێ.
– كۆنترۆلكرنا ئامیرێن زیره‌ك د رێیا شاشا گرتی دا
بۆ كۆنترۆلكرن د ئامیرێن زیره‌ك یێن ب تله‌فۆنێ ڤه گرێدایی بێ ڤه‌كرنا قوفلێ هه‌ره رێكخستن Settings پاشان Display و پاشانا شاشا گرتی Lock screen پاشان كاراكرنا هه‌لبژارده‌یا كونترۆل ب ئامیری ده‌مێ یێ گرتی Control from Locked Device پاشان ئایكونێ Home دێ ده‌ركه‌ڤیت ل بنێ شاشێ لایێ چه‌پێ ل سه‌ر شاشا گرتی، كلیك بكه دێ كورتكریێن كۆنترۆلی د ئامیرێن زیره‌ك دا د ناڤ تله‌فۆنێ دا ڤه‌بیت.
– باشتركرنا هه‌لبژارتنێن ده‌ستنیشانكرنێ
د شیان دایه ئایكونێن ئه‌پلیكه‌یشنێ بهێنه راستڤه‌كرن دا ل گه‌ل ره‌نگێن والپه‌ری ب گۆنجن د رێیا كاراكرنا هه‌لبژارده‌یا “Themed icons” د رێكخستنا پێشیێ دا و دشیان دایه ژ 16 ره‌نگان ب هه‌لبژێری ل شوونا چار ره‌نگان كو ل گه‌ل والپه‌رێ مۆبایلا ته ب گۆنجیت.
– كورتكرنا ب له‌ز یا كودێن QR
گوگل رابوویه ب زێده‌كرنه‌كێ د رێكخستنا ب له‌ز دا بۆ مالینا كودێن QR ب تنێ هه‌كه ده‌ستێ خوه بدانیه سه‌ر و بگڤێشی دێ د كامیرێ دا ڤه‌بیت دا كو كودی بنیاسیت و بۆ ڤێ چه‌ندێ ئێدی پێدڤی ب ئه‌پێن گرێدای ڤی بابه‌تی نابی.
ژماره‌كا زۆرا هه‌لبژارتنێن دی ژی هه‌نه كو ل ڤێره و د گۆتاره‌كێ دا ناهێنه به‌حسكرن هه‌كه ژماره‌كا زۆر یا گوهۆڕینان تێدا هاتیه كرن. ب هیڤیا ده‌مێن خۆش بۆ بكارئینه‌رێن ئه‌ندرۆیدێ.