ب شاشیڤه گهنجهك ل دێرهلۆكێ دهێته كوشتن
ئامێدیێ، مهحمود نهێلی:
د دهمێ تهقهكرنێ دا ل بهرازان ل ئێك ژ چهمێن ناوچهداریا دێرهلۆكێ كهسهك ب ناڤێ جۆتیار مستهفا ب شاشی ڤه ژ لایێ پسمامهكێ خوه ڤه دهێته كوشتن.
كهسهكێ نێزیك ژ روودانێ بو رۆژناما ئهڤرۆ دیار كر، ب مهرهما پاراستنا زهڤیێن خوهیێن برنجی ژ بهرازان، ههژمارهكا گهنجێن گوندێ مههیدێ یێ گرێدای ناوچهداریا دێرهلۆكێ قهستا ناڤ چهمی دكهن، كو ههر ههموو پسمامێن ئێك بووینه و گۆت: “ئهڤ روودانه د دهمهكی دا چێبوویه، كو جوتیار جهێ بوو هاتیه دهستنیشانكرن بهردایه و ل جههكێ دیتر دهنگێ پێن وی د ناڤ دهحلی ڕا هاتیه و ههڤالێن وی ژی هزرا وی نهركریه و ل وی دهمی تهقه ل وی جهی كریه و د ئهنجام دا گوللهیهكا جفتا بهرازان بهر دكهڤیت و گیانێ خوه ژ دهست ددهت”.
جۆتیار مستهفا د ژییێ 37 سالیێ دابوویه و خودان خێزانه و پێنج زارۆك ههنه و كوڕێ شههید مستهفا مههیدی یه، ههروهسا فهرمانبهر بوویه ل خالا سنووری یا سهر زێری.
