گرانبونا بهایێ پلاستیكان بۆیه جهێ دلگرانیا جوتیاران
ههولێر، سولین سلێمان
جوتیار د دلگرانن ژبهر بهایێ كێمیا بهرههمێن وان، لێ د بهرامبهر دا پارهیهكێ زۆر ددهنه سندوقێن پلاستیكی و پاره ژ بۆ وانا ڤهناگهریت، داخواز دكهن كارگههێن زێدهتر بهێنه دروست كرن دا كۆ بهایێ وان سندوقا ئهرزان ببیت.
فوئاد نهجم خودانێ كارگهها پلاستیكان بۆ رۆژناما ئهڤرۆ دیار كر ” ئهڤ ساله بهایێ سندوقێن پلاستیكی گران بووینه، چونكو مادێن وێ دگرانن، ئهو ژی نهچارن گران بفرۆشن و بهایێ ئێك سندوقا پلاستیكیا 18 كیلویی ب هزار و 100 دینارایه و سندوقا 10 كیلو ژی بهایێ وێ ب 4000 هزار دینارایه.
ئاشكرا ژی كر ”گرانیا بهایێ وان سندوقان پهیوهندی ب مهڤه نینه، چونكو ههر تشتهك مادێن دروستكرنا وێ گران بن بهایێ وێژی دێ گران بیت، ههبوونا زۆرا كارگههان بۆیه ئهگهرا وێ چهندێ كۆ جوتیارێن ههرێما كوردستانێ پێتڤی ب دهرڤه نهبن ههر د ناڤخۆیی دا دهستڤهبینن.
سیامهند عهلی جوتیارهكه دهربارێ ڤێ چهندی بۆ رۆژناما ئهڤرۆ گۆت “ئهو بهایێ د نۆكهدا ل سهر سندوقێن پلاستكی ههی بۆیه ئهگهرێ بارگرانیێ ل سهر مه ههمی جوتیاران، چونكی ئهم رۆژانه سندوقێن نوو دكرین پارهكێ زۆر ل سهر مه دكهڤیت و پشتی فروتنا بهرههمێن مه ئهم ل دۆر ماندی بۆنا خوه بهرههمێن مه ساخ نابن”.
گۆت ژی “ههر جوتهكێ سندوقان بهایێ وان 800 بو 900 دینارانه ژ بلی كریا كرێكاران و كریا ڤهگوهاستنێ و دیسا خهرجیێن رۆژانه و ماندیبونهكا زۆرا جوتیاران ئهڤ چهنده ههمی بارگرانینه لسهر ملێت جوتیاران، لهما ئهم دخوازین كارگههێن زێدهتر بهێنه دروستكرن دا كو ئهڤ بهایێن وان سندوقان كێمتر ببن دیسا لایهنێن پهیوهندیدار بهێنه سهر خهت دا كو بشێن ڤێ ئاریشێ بۆ مه چارهسهر بكهن”.
