كادرێ دێرینێ پارتی عومهر میرانی وهغهركر
ئهڤرۆ:
پشتی ههڤڕكیێ د گهل نهخوهشیێ، كادرێ دێرینێ پارتی دیموكراتی كوردستان و نوونهرێنن پارتی ل توركیا (عومهر میرانی) ل رۆژا 8/9/2022 وهغهركر.
فازل میرانی سكرتێرێ مهكتهبا سیاسی یا پارتی د پهیامهكا بههیداریێ دا بهلاڤكر” ب دلهكێ پر خهم و كۆڤان، برا و ههڤالێ رێبازا پارتیا مه عومهر میرانی پشتی ههڤڕكیهكا دژوار ل گهل نهخوهشیێ ب مخابنی ڤه وهغهركر.. رهحمهتی ههموو ژیانا خوه بۆ گهلێ كورد و پارتی دیموكراتی كوردستان تهرخان كربوو، شهڤ و رۆژ دكرنه ئێك ژبۆ بجهئینانا ئهركێن نیشتمانی و نهتهوی”.
مهكتهبا سیاسی یا پارتی ژی پهیامهكا بههیداریێ بهلاڤكر و تێدا هاتیه” مخابن ههڤال و كادرێ خهباتكهر و دێرینێ پارتی (عومهر میرانی) خوارزایێ رێزدار(فازل میرانی) سكرتێرێ مهكتهبا سیاسی یا پارتی ب نهخوهشیێ وهغهركر، سهرهخوهشیێ ل بهرێز (فازل میرانی) سكرتێرێ مهكتهبا سیاسی یا پارتی و بنهمال و ههموو كهسوكار و ههڤالێن رهحمهتی (عومهر میرانی) دكهین و لاڤا دكهین گیانێ وی ب بهههشتا بهرین شاد بكهت”.
عومهر میرانی ل سالا 1954 ژ دایكبوویه و ل سالا َ1973 پهیوهندی ب شورهشا ئیلۆنا مهزن كریه و ل سنوورێ لقی 1 و پاشی ل سنووێ لقێ 3 چهكێ پێشمهرگایهتیێ و كوردایهتیێ ههلگرتیه ول مهكتهبا ناڤهندی یا رێكخستنێ درێژی ب خهباتا خوه یا پارتایهتی دایه و ل سالا 1977 ئاوارهی ئیرانێ بوویه، ل سالا 1986 ههتا سالا 1993 ل ئهمریكا درێژی ب كارێ خوه یێ حزبی دایه ل لژنا ناوچا ناشڤیل یا پارتی، پاشی ل پهیوهندیێن سنووری ل ئیبراهیم خهلیل درێژی ب كارێ خوه دایه و پاشی ب ئهركێ نوونهرایهتیا پارتی ل توركیا هاتبوو راسپاردن.
