بهرپرسێ لقێ نههێ پارتی: شۆڕهشا ئیلۆنێ بهرسڤهكا بهێز بوو ژ بۆ دوژمن و داگیركهران
ئاكرێ، رهمهزانزهكهریا:
ب ههلكهفتا (٦١) سالیا شۆڕهشا ئیلۆنێ بهرپرسێ لقێ نههێ پارتی ـسهرهدانا دهزگایێ ئیلۆن و گولانێ ل ئاكرێ كر، د دووڤ دا سهردانا هێزا خهبات ل ئاكرێ و پهردهڕهش كر ب مهبهستا گههاندنا پهیاما پیرۆزباهیێ.
دوهی رۆژا ئێكشهمبی سهباح بهیتۆللا، بهرپرسێ لقێ نههـێ پارتی دیموكراتی كوردستان ب ههڤالینیا شاندهكێ لقێ و ب ههلكهفتا ٦١ سالیا دهستپێكرنا شۆڕهشا ئیلۆنێ، مهزنترین شۆڕهشا نهتهوهیی و نیشتمانی سهرهدانا دهزگایێ ئیلۆن و گولانێ ل ئاكرێ كر و پیرۆزباهیێن خوه ئاراستهی بهرپرس و ئهندامێن دهزگههێ ناڤبری كرن.
بهرپرسێ لقێ د سهرهدانا خوه دا پیرۆزباهی ل وان كر و شۆڕهشا ئیلۆنێ ب شۆڕهشا بهرگریكرنێ ژ ماف و دهستكهفتیێن مللهتێ كورد بناڤ كر و گۆت: “بیرهاتنا شۆڕهشا ئیلۆنێ بیرهاتنا دهستكهفت و سهروهریێن مهزنه بۆ گهلێ كوردستانێ و بیرهاتنا دادپهروهریا رێبازا پیرۆزا بارزانی و دهستكهفتێن وێیه”.
دیسا ههر ب ههمان ههلكهفت سهباح بهیتوللا، بهرپرسێ لقێ نههێ پارتی سهرهدانا هێزا خهبات ل (ئاكرێ و بهردهڕهش) كر و پیرۆزباهی ل وان كر و گوت: “شۆڕهشا ئیلۆنا مهزن بهرسڤهكا بهێزا خهلكێ كوردستانێ بوو بۆ دوژمن و داگیركهران و گاڤهكا وێرهكانه و رێكخستی بوو ژ بۆی ب دهستڤهئینانا ماف و ئارمانج و داخوازیێن خهلكێ كوردستانێ”.
