غهدرهكا مهزن ل دهڤهرێن كوردستانی یێن سهر ب نهینهواڤه دهێته كرن
دهۆك، لهزگین جوقی:
جێگرێ پارێزگارێ نهینهوا دیار كر، بهلاڤكرنا پارهی بۆ پڕۆژهیێن خزمهتگوزاری ل سهر بنهمایێ ههژمارا ئاكنجیان غهدرهكا مهزن ل دهڤهرێن كوردستانی یێن سهر ب نهینهواڤه دهێته كرن.
رهفعهت سمۆ، جێگرێ پارێزگارێ نهینهوا بۆ ئهڤرۆ دیار كر، دهڤهرێن كوردستانی یێن سهر ب نهینهواڤه تووشی زیانهكا مهزن بووینه ژ ئهگهرێ هێرشێن تیرۆرستێن داعشێ پتر دهڤهرین كوردستانی هاتینه خرابكرن و وێرانكرن و پرۆژهیێن خزمهتگوزاری هاتینه تێكدان و گۆت: “شوونا ئێدارا نهینهوا و بهغدا هزر ل وێ چهندێ بكهن پتر دهڤهرێن كوردستانی ئاڤهدان بكهن و پارهی بۆ پرۆژهیێن خزمهتگوزاری یێن وان دهڤهران تهرخان بكهن بهروژڤاژی پتر پاره بۆ وان گوند و دهڤهران دهێته تهرخانكرن یێن زیان نهگههشتیێ، پاره ل سهر بنهمایێ رێژا ئاكنجیان دهێته دابینكرن و ب ڤێ چهندێ ژی غهدهركا گهلهك مهزن ل خهلكێ دهڤهرێن كوردستانێ دهێته كرن”.
گۆتژی: “پارهیێ گهشهپێدانا پارێزگههان و تهناهیێ ل سهر رێژا ئاكنجیان دهێته تهرخانكرن، ئهڤه ژی بۆ دهڤهرین كوردستانی یا باش نینه، چونكو دهڤهرێن كوردستانی تووشی زیانهكا گهلهك مهزن بووینه و پێدڤیه پاره ل سهر ریژا وێرانكاریێ بهێته تهرخانكرن، داكو دهڤهرێن كوردستانی بهێنه ئاڤهدانكرن”.
