ههتا نوكه ههستیكێن قوربانیان ماینه د ناڤ شكهفتا دهكان دا
شێخان، بارزان مزووری:
شاندهكێ لژنا كاروبارێن شههیدان و جینوساید و زیندانیێن سیاسی ل پهرلهمانێ كوردستانێ ل دووڤ گازیا كهسوكارێن قوربانیێن شكهفتا دهكان سهرهدانا وێ شكهفتێ ل گوندێ دهكان یێ سهر ب ناوچهداریا قهسرۆكێ ڤه كر.
سهوسهن محهمهد میرخان، سهرۆكا لژنا ناڤهاتی ل پهرلهمانێ كوردستانێ بۆ رۆژناما ئهڤرۆ دیار كر، پشتی كهسوكارێن قوربانیێن شكهفتا دهكان سهرهدانا لژنا شههیدان ل پهرلهمانێ كوردستانێ كری و گۆت: “مه ل سهر داخوازیا وان سهرهدانا شكهفتا دهكان كر و ل گهل كهسوكارێن وان قوربانیان كۆمبووین، راستی كارهساتا شكهفتا دهكان، كارهساتهكه دژی مرۆڤایهتیێ یه دژی خهلكێ ڤی گوندی هاتیه ئهنجامدان، ژ بهركو ئهڤه كهسوكارێن پێشمهرگهیان بووینه، لهو رژێما بهعس ئاگر بهردایه وان خێزانان و د ئهنجام دا 75 كهس ببوونه قوربانی”.
گۆتژی: “ئهم پشتهڤانێ كهسوكارێن وان شههیداینه، پشتی ئهم ل گهل وان كۆمبووین، وان ژی داخوازی ههبوون، ئهم دێ وان داخوازیان ئاراستهی حكومهتا ههرێما كوردستانێ و ئیراقێ كهین، پێدڤی یه ئهو ژی ب ئهركێ خوه رابن و داخوازیێن وان بجه بینن”.
سهوسهنێ زێدهتر گۆت: “دهمێ مه سهرهدانا شكهفتێ كری، مهدیت ههتا نوكه روفات و ههستیك و جلكێن قوربانیان د ناڤ شكهفتێ دانه، كهسوكارێن وان داخواز دكهن ئهڤ روفاته بۆ جههكێ تایبهت بهێنه ڤهگوهاستن و د رێورهسمهكێ تایبهت دا بهێنه ڤهشارتن، دیسا رێكا شكهفتا دهكان كو حهفت كیلۆمهترن بهێته قێركرن ل گهل دروستكرنا مونۆمێنتهكێ و قهرهبووكرنا كهسوكارێن وان شههیدان”.
