ههژمارهكا قوتابخانان ل ئامێدیێ هاتنه نووژهنكرن
ئامێدیێ، مهحمود نهێلی:
دهزگههێ خێرخوازیێ بارزانی حهفت قوتابخانه ل دهڤهرداریا ئامێدیێ نووژهنكرن و رادهستی پهروهردا ئامێدیێ هاتنه كرن و كهفتنه د خزمهتا قوتابیان دا.
شهڤگهر رهمهزان، نوونهرێ دهزگههێ خێرخوازیێ بارزانی ل دهڤهرداریا ئامێدیێ بۆ رۆژناما ئهڤرۆ دیار كر، نووژهنكرنا ڤان قوتابخانهیان ل دهڤهرا ئامێدیێ د چارچوڤێ ههوا نووژهنكرنا 200 قوتابخانهیان دا بوویه ل سهرانسهری ههرێما كوردستانێ و دبێژیت: ئهڤ قوتابخانێن هاتینه نووژهنكرن ژ قوتابخانهیێن (بیرێ و نهمران ل ناوچهداریا شێلادزێ، ئامادهیا دێرهلۆك و ئامادهیا ئازادی و بنهرهتیا گارۆك ل سهرسنكێ، ئامادهیا سیارهتیكا و ئامادهیا بامهرنێ) پێك دهێن.
شهڤگهری گۆت: “ئهڤ قوتابخانه ب شێوهكێ باش و ههر خزمهتهكا تێدا ههبیت هاتینه نووژهنكرن، پشتی كارێ نووژهنكرنێ ب دووماهی هاتی رادهستی پهروردا ئامێدیێ هاتینه كرن و كهفتینه د خزمهتا كهرتێ پهروهردێ دا”.
