ههتا نوكه ب رێَژا 30% پهرستگهها لالش هاتیه نووژهنكرن
دهۆك، لهزگین جوقی:
سهرپهرشتێ پڕۆژهیێ نووژهنكرنا پهرستگهها لالش دیار كر، 65 پڕۆژهیێن نووژهنكرن و سهخبێریكرنا ئاقد و نیشانگههێن ئێزدیان ل گهل پڕۆژهیێن خزمهتگوزاری ل پهرستگهها لالش هاتینه ئهنجامدان.
ئهندازیار، خالد نهرمۆ، سهرپهرشتێ پڕۆژهیێ نووژهنكرنا پهرستگهها لالش بۆ رۆژناما ئهڤرۆ خویا كر، بۆ ئێكهمین جار دهرگههێ پهرستگهها لالش هاته دروستكرن و گۆت: “بڕیاره ل دهستپێكا ههیڤا بهێت دهرگههێ پهرستگهها لالش ب دووماهی بهێت و بهێته ڤهكرن و بكهڤیته د خزمهتا زیارهتكارێن پهرستگهها لالش دا، ئهڤ دهرگههه ل سهر بۆدجهیا حكومهتا ههرێما كوردستانێ ب گوژمێ 180 ملیۆن دیناران دهێته چێكرن، ههتا نوكه كار ل سهر پڕۆژهیێ نووژهنكرنا پهرستگهها لالش یێ بهردهوامه”.
ئاماژه دا وێ چهندێ ژی كو ب پشتهڤانیا حكومهتا ههرێما كوردستانێ چهندین پڕۆژهیێن خزمهتگوزاری ل پهرستگهها لالش هاتینه ئهنجامدان و گۆت: “ههتا نوكه ب رێَژا 30% پهرستگهها لالش هاتیه نووژهنكرن، چهندین مهزارگهه و جهێن ئاینی د ناڤ پهرستگهها لالش دا هاتینه نووژهنكرن، كو خێرخواز و رێكخراو ژی پشتهڤانیێ ل پڕۆژهیێ نووژهنكرنا پهرستگهها لالش دكهن”.
