10 كارگههێن نوو یێن پیشهسازی ل دهۆكێ دێ هێنه دانان
دهۆك، نهوزاد هلۆری:
ب سهرپهرشتیا پارێزگارێ دهۆكێ و ب بهرههڤبوونا رێڤهبهرێن پهیوهندیدار كۆمبوونا لژنا پشتگریكرن و گهشهپێدانا پڕۆژێن پیشهسازی هاته ئهنجامدان و تێدا ئهرد بۆ چێكرنا 10 كارگههێن پیشهسازی هاته دابینكرن.
د كۆمبوونێ دا ههلسهنگاندن بۆ كارگههێن مۆلهتا كاری پێ هاتیهدان و ئهرد بۆ هاتیه تهرخانكرن و قووناغێن بجهئینانا وان هاتهكرن، د. عهلی تهتهر، پارێزگارێ دهۆكێ د كۆمبوونێ دا دۆپاتی ل سهر بجهئینانا یاسا و رێنمایێن دام و دهزگههێن پهیوهندیدار كر.
ب گورهی پێزانینێن رۆژناما ئهڤرۆ ئهو كارگههێن هاتینه پێشكێشكرن، ژ كارگههێن جوراوجور د بیاڤێن خوارن و چاندن، جلك و دیزاین، دارتاشی و موبیلیات، دارتاشی و دروستكرنا دهرگههـ و پهنجهرێن پلاستیكی، كلینسێن شل و هشك، ههروهسا بهرههمئینانا فلینێ دیكورێن خانیان و بوریێن پلاستیكی پێك دهێن.
ئهرد بۆ 10 ژ وان كارگههان هاته دابینكرن و ل نێزیك دێ هێنه دروستكرن و چهندین دهلیڤێن كاری بۆ گهنجان تێدا هێنه پهیداكرن.
