داخوازا ئێكلاكرنا مافێن مامۆستایان دهێته كرن
ههولێر، قائید میرۆ:
سهرۆكێ ئێكهتیا مامۆستایێن كوردستانێ ئاشكرا كر، ب ههلكهفتا رۆژا جیهانیا مامۆستایان چهندین داخوازی پێشكێشی حوكمهتا ههرێما كوردستانێ كرینه، ژ وان ژی چارهنڤیسێ مووچێن پاشهكهفتكری و بهلاڤكرنا پارچێن ئهردی و دهستپێكرنا بلندكرنا پلهیێن مامۆستایان.
ئهحمهد گهرمیانی، سهرۆكێ ئێكهتیا مامۆستایێن كوردستانێ بۆ رۆژناما ئهڤرۆ دیار كر، ب ههلكهفتا رۆژا جیهانیا مامۆستایان ئێكهتیا مامۆستایێن كوردستانێ چهندین داخوازی پێشكێشی حوكمهتا ههرێما كوردستانێ كرینه و گۆت: “ئهم دخوازین د داهاتی دا بهێنه بجهئینان، ژ وانا ژی ڤهگهڕاندنا ئێكلاكرنا ئهو مووچێن مامۆستایان یێن هاتینه پاشكهفتكرن و بلندكرنا پلهیێن مامۆستایان، چونكی د دهمێ نوكه دا چوو بههانه بۆ راگرتنا پلهیێن مامۆستایان نینه و پلهیێن چهندین فهرمانبهر و فهرمانگههێن حوكمهتێ هاتینه بلند كرن”.
ئهحمهد گهرمیانی گۆتژی: “پێدڤیه حوكمهتا ههرێما كوردستانێ كار بۆ ئێكلاكرنا چارهنڤیسێ مامۆستایێن وانهبێژ بهێته دیاركرن یان ببنه ههمیشهیی یان ژی ببنه گرێبهست، ههروهسا جوداهیا د ناڤبهرا مووچێ مامۆستایان نهمینیت، ههژمارهكا زۆر یا مامۆستایان جهێ ئاكنجیبوونێ نینه و دڤێت حوكمهت كار بۆ بهلاڤكرنا پارچێن ئهردی یان ئاڤاكرنا یهكهیێن ئاكنجیبوونێ بۆ تهخا مامۆستایان بكهت”.
