ئۆكرانیا: رۆسیا ب درۆن و مۆشه‌كێن ئیرانێ ئێرشی مه دكه‌ت
ئه‌ڤرۆ:
وه‌زاره‌تا ده‌رڤه یا ئۆكرانیایێ دوهی راگه‌هاند كو رۆسیا ب مۆشه‌ك و درۆنێن ئیرانێ ئێرشی كێیڤ و چه‌ندین باژێرێن دی كریه كو د ئه‌نجام دا گه‌له‌ك وه‌لاتیێن سڤیل بووینه قوربانی و ئه‌و یه‌ك ب چو ره‌نگه‌كێ ناهێته قه‌بوولكرن.
هه‌ڤده‌م به‌ری دو رۆژان وه‌زاره‌تا ده‌رڤه یا ئیرانێ ژی راگه‌هاند كو ئۆكرانیایێ هه‌موو قۆتابیێن وان یێن كو زانكۆیێن ئۆكرانیایێ دخواندن ب به‌هانا هندێ كو ئیرانێ چه‌ك داینه رۆسیا سنۆرداش كرینه، لێ ئیرانێ درۆن و چه‌ك نه‌داینه رۆسیا.
د ده‌مێن بۆری دا هێزێن ئۆكرانیایێ ب به‌لگه سه‌لماندن كو درۆنێن ئیرانێ ژ ئالیێ هێزێن رۆسیا ڤه ل دژی وان دهێنه بكارئینان و داخواز ژ ئیرانێ كربوون كو چه‌كی نه‌ده‌ته رۆسیا.
