دهست ب بهلاڤكرنا گازا سپی دێ هێته كرن
ئهڤرۆ:
وهزیرێ سامانێن سروشتی ب وهكالهت د كۆنفرانسهكێ رۆژنامهڤانی دا دیار كر، ل 20/10/2022 بڕیاره دهست ب بهلاڤكرنا گازا سپی ل سهر وهلاتیان بهێته كرن.
ئهندازیار كهمال محهمهد سالح، وهزیرێ كارهبێ ل حهكمهتا ههرێما كوردستانێ كو د ههمان دهم دا وهزیرێ سامانێن سروشتی یه ب وهكالهت، دوهی 11/10/2022 سهرهدانا ئیدارهیا سهربخوه یا ڕاپهرین كر و د كۆمبوونهكێ دا ل گهل هیوا قهرهنی، سهرپهرشتێ ئیدارهیێ رهوشا كارهبا دهڤهرێ و ئاریشهیێن كارهب و سۆتهمهنیێ گهنگهشه كرن، د دووڤ دا كۆنفرانسهكێ مرۆژنامهڤانی ل دۆر دهم و چاوانیا بهلاڤكرنا گازا سپی ل سهر وهلاتیان ساز كر.
وهزیرێ كارهبێ د وی كۆفرانسێ رۆژنامهڤانی دا ئاشكرا كر، بڕیاره ل رۆژا 20ی ئهڤێ ههیڤێ دهست ب بهلاڤكرنا گازا سپی ل سهر وهلاتیان بهێته كرن، وهكو قووناغا ئێكێ ژی ل دهڤهرێن چیایی و ئهو دهڤهرێن پار گاز وهرنهگرتی دێ هێته بهلاڤكرن و گۆت: “پارهیێ 320 هزار بهرمیلان هاتیه دابینكرن”.
