وێنێ دو كهسایهتیێن ئێزدی ل سهر پیلێن معاملێن دارایی هاته دانان
ئهڤرۆ، سالار دۆسكی:
وهزارهتا ڤهگوهاستنا ئیراقا فیدرال وهكو رێزگرتن بۆ پێكهاتهیێن د ناڤ ئیراقێ دا دژین، دو (پیل) كو دهربڕینێ ژ رهسهناتیا ئایینێ ئێزدیاتیێ دكهن بهرههڤكرینه و وێنێ میر ئیسماعیل چۆل بهگ، میرێ ئێزدیان ل شنگالێ و وێنێ كهسایهتیێ ئایینێ ئێزدیان (بابه چاویش) ل سهر داناینه و بۆ ماملهیێن دارایی دێ هێنه بكارئینان.
شهمۆ قاسم، رهوشهنبیرهكێ ئێزدی یه، ڤێ پێنگاڤێ گهلهك ب پیرۆز دبینیت و بۆ رۆژناما ئهڤرۆ گۆت: “ئهڤ پیله بۆ ب رێڤهبرنا مامهلهیێن دارایی دهێنه بكارئینان و ئهڤ پێنگاڤه ژ لایێ وهزارهتا ڤهگوهاستنا ئیراقێ ڤه هاتیه هاڤێتن و رێزگرتنه ل وان پێكهاتهیێن د ناڤ ئیراقێ دا دژین”.
گۆتژی: “ئهڤ كاره ل دووڤ پێشنیارا رێڤهبهریا كاروبارێن ئێزدیان بوویه ل وهزارهتا ئهوقافا ئیراقێ، بهری نوكه ژی پیلهك دهركهفت بوو، كو وێنێ دهرگههێ پهرستگهها لالش ل سهر بوو”.
شهمۆی ئاشكرا ژی كر، ئهڤ پێنگاڤه دێ بنه ئهگهر، كو پتر ڤیان و پێكڤهژیان د ناڤبهرا ههموو پێكهاتهیان دا خورتر لێ بهێت و گۆت: “ئهنجامدانا ڤی كاری رهسهناتیا ئێزدیان دووپات دكهت”.
