ل زاخۆ سێ تاوانبار هاتنه دهستهسهركرن
زاخۆ، دلۆڤان هالۆ:
ئهڤرۆ ل سنوورێ ئیدارا سهربخوه یا زاخۆ، سێ تاوانبار ل سهر شهلاندنا گهشتیارهكێ هاتنه دهستهسهركرن.
ئهحمهد ڕهمهزان، بهرپڕسێ ڕاگههاندنا ڕێڤهبهریا پۆلیسێن زاخۆ، بۆ ڕۆژناما ئهڤرۆ دیار كر كو پشتی وهلاتیهكێ كوردستانا باكوور سهرهدانا باژێڕێ زاخۆ كری، ژ لایێ سێ تاوانباران ڤه هاته قوتان و شهلاندن، ژ بهركو گوژمهكێ مهزن یێ دۆلارێ ئهمریكی د ناڤ چانتێ وی یێ ملی دابوو.
بهرپڕسێ ڕاگههاندنا ڕێڤهبهریا پۆلیسێن زاخۆ گۆت: “پشتی پۆلیسێن نڤیسینگهها نههێلانا گونههباریان ل زاخۆ ڤهكۆلین ل سهر ڤێ تاوانێ كرین، شیان ناسناما وان تاوانباران ئاشكهرا بكهن و د كێمترین دهم دا دهستهسهر بكهن، ڤان تاوانباران ل بهرامبهر دادوهرێ ڤهكۆلینێ دانپێدان ب تاوانا خوه كریه و ل دووڤ بهندێ 452 ژ یاسا سزایێن ئیراقی هاتینه ڕاگرتن”.
