پارێزگارێ دهۆكێ پێشوازی ل بالیۆز و قونسلێ ئیتالیا ل ئیراق و كوردستانێ كر
ئهڤرۆ:
د. عهلی تهتهر، پارێزگارێ دهۆكێ دوهی 16/10/2022 پێشوازی ل ماریزۆ گاریگانتی، بالیۆزێ ئیتالیا ل ئیراقا فیدرال و مایكێلی كامیرۆتا، قونسلێ ئیتالیا ل ههرێما كوردستانێ كر.
پارێزگارێ دهۆكێ خۆشحالیا خوه ب سهرهدانا شاندێ ناڤبری دیار كر و سوپاسیا ههڤكاری و ههماههنگیا وهلاتێ ئیتالیا ل گهل پارێزگهها دهۆكێ كر و گۆت: “هیڤیدارین ئهڤ پهیوهندیه بهردهوام و بهرفرههتر لێ بهێن”.
پاشی بالیۆزێ ئیتالیا ل ئیراقێ سۆپاسیا پێشوازیا گهرما پارێزگارێ دهۆكێ كر و راگههاند: خۆشحالم بۆ جارا ئێكێ یه دهێمه ههرێما كوردستانێ و پارێزگهها دهۆكێ، ئارمانجا مه ئهوه پهیوهندیێن ههردو وهلاتان بهێزتر لێ بكهین و نۆكه د بیاڤێ شوونواران و خواندنا بلند دا گاڤێن باش هاتینه هاڤێتن و دێ د بهردهوام بین.
ههردو لایان دوپاتی ل سهر پێشڤهبرنا پهیوهندیان د ناڤبهرا ههرێما كوردستانێ ب گشتی و پارێزگهها دهۆكێ ب تایبهتی دا كر.
