حوكمه‌ت ئابوورێ وه‌كو كارته‌كێ ل دژی وه‌لاتیان بكار دئینیت
ئه‌ڤرۆ:
كه‌مال كلچدار ئوغلۆ سه‌رۆكێ گشتی یێ پارتا كۆماریا گه‌ل راگه‌هاند كو ره‌وشا ئابووری یا توركیا گه‌له‌ك خرابه و وه‌سا دیاره دێ خرابتر ژی لێ هێت، حوكمه‌تێ ژی چو پرۆژه بۆ چاره‌سه‌ركرنا قه‌یرانا نها نینه و رۆژ ب رۆژێ ژی ره‌وش خرابتر لێ دهێت و گۆت: (ئه‌ردۆغان و هه‌ڤالێن وی ژی نها د خه‌ما هندێ دانه كا دێ چاوا شێن ده‌ستهه‌لاتا خوه بۆ چه‌ندین سالێن دی گه‌ره‌نتی كه‌ن، ئه‌ردۆغان د خه‌ما ژیانا خه‌لكی دا نینه و یا نها ل توركیا روو دده‌ت گه‌له‌ك خرابه، چونكی حوكمه‌ت ره‌وشا خراب یا ئابووری وه‌كو كارته‌كێ ل دژی وه‌لاتیان بكار دئینیت و دڤێت به‌ری هه‌لبژارتنان ژی ب رێیا هنده‌ك گوهۆرینان وه‌سا بكه‌ت كو خه‌لك نه‌چار بن جاره‌كا دی ده‌نگێ خوه بده‌نه ئاكپارتیێ، لێ ئه‌و یه‌ك ب چو ره‌نگه‌كێ ناهێته قه‌بوول كرن، چونكی راستیا ئه‌ردۆغانی و ده‌ستهه‌لاتا وی بۆ هه‌موو وه‌لاتیێن توركیا ئاشكرا بوویه).
