گه‌ڕا نه‌هێ یا فلمه فیسته‌ڤالا دهۆك یا نێڤده‌وله‌تی ب دووماهی هات
دهۆك، زنار تۆڤی:
د گه‌ڕا نه‌هێ یا فلمه فیسته‌ڤالا دهۆك یا نێڤده‌وله‌تی دا، 98 فلمان پشكداری تێدا كربوو، كو 51 فلم ژ 30 وه‌لاتێن بیانی بوون، ل گه‌ل 47 فلمێن كوردی، 55 فلم د هه‌ڤڕكییێ دابوون، بۆ بده‌ستڤه‌ئینانا خه‌لاتان، ل رۆژا 8 / 12 / 2022 ێ، رێوره‌سمێن خه‌لاتكرنا فلمان ده‌ستپێكر، د كورته فلمێن كوردی و بیانی، 15 كورته فلمان پشكداری د هه‌ڤڕكییا خه‌لاتان دا كربوو، خه‌لاتێ باشترین كورته فلمێ كوردی، ئافورۆز، یێ ده‌رهێنه‌ر، د. یلماز ئۆزدلی وه‌رگرت، خه‌لاتێ رێزگرتنێ، ئه‌كته‌ر سارینا ته‌راغی وه‌رگرت، خه‌لاتێ باشترین كورته فلمێ بیانی، سپلیت ئیندز یێ ده‌رهێنه‌ر عه‌لی ره‌زا كازم پۆر وه‌رگرت، خه‌لاتێ ژۆری بۆ كورته فلمێ كوردی، ده‌رهێنه‌ر ئارین ئینان وه‌رگرت، هه‌روه‌سا نووهات بۆ پرۆژێن گه‌نجان، 30 گه‌نجان پشكداری تێدا كربوو، پرۆژێ زه‌ینه‌فۆن، سیبه‌ر، كرێزی گلۆڤه‌ر، خه‌لات وه‌رگرتن.
هه‌روه‌سا به‌لگه فلمێن كوردی، هه‌ڤڕكی ل سه‌ر شه‌ش فلمان بوو، به‌لگه فلمێن بیانی ژی، هه‌ڤڕكی ل سه‌ر هه‌شت فلمان بوو، به‌لگه فلمێ بیانی، فۆر جێستس خه‌لاتێ باشترین به‌لگه فلم وه‌رگرت، به‌لگه فلمێ كوردی، (زمانێ دایكێ) خه‌لاتێ باشترین به‌لگه فلمێ كوردی وه‌رگرت، باشترین سیناریۆ، به‌لگه فلمێ (ئه مێربل تراڤیلۆج) یێ چینی وه‌رگرت.
هه‌روه‌سا فلمێن درێژ یێن كوردی، هه‌ڤڕكی ل سه‌ر شه‌ش فلمان بوو، خه‌لاتێ پارێزگه‌ها دهۆكێ، فلمێ بووكا بارانێ، یێ ده‌رهێنه‌ر حسێن حه‌سه‌نی وه‌رگرت، خه‌لاتێ باشترین ئه‌كته‌رێ كور، حسێن حه‌سه‌ن و به‌نگین عه‌لی، د فلمێ بووكا بارانێ دا وه‌رگرت، باشترین ئه‌كته‌را كچ، شیلان دۆزدوبانێ د فلمێ بووكا بارانێ دا وه‌رگرت، خه‌لاتێ باشترین وێنه‌گر، سه‌میح یلدزی وه‌رگرت، خه‌لاتێ باشترین ده‌رهێنه‌رێ كورد، حسێن حه‌سه‌ن وه‌رگرت، خه‌لاتێ باشترین سیناریۆ فلمێ جیران یێ مانۆ خه‌لیلی وه‌رگرت، خه‌لاتێ باشترین فلمێ كوردی یێ درێژ، فلمێ جیران یێ ده‌رهێنه‌ر مانۆ خه‌لیلی وه‌رگرت، كو هه‌تا نوكه 59 خه‌لات وه‌رگرتینه. دیسان فلمێن درێژ یێن بیانی، هه‌ڤڕكی ل سه‌ر 9 فلمان بوو، باشترین فلمێ درێژ یێ بیانی، فلمێ ئه‌نتل تۆمورۆ یێ ده‌رهێنه‌ر عه‌لی ئه‌سغه‌ری خه‌لاتێ باشترین فلم وه‌رگرت، خه‌لاتێ یلماز گۆنایی ده‌رهێنه‌را بیانی، مارینا گارباخ، د فلمێ كلوندایك دا وه‌رگرت، هه‌روه‌سا فلمێ پیره‌بۆك، خه‌لاتێ فێبرێسكی وه‌رگرت.
