26 پارزینگههێن نهیاسایی ل كواشێ هاتنه ژناڤبرن
دهۆك، لهزگین جوقی:
دهڤهردارێ سێمیلێ دیار كر، ل دهڤهرا كواشێ یا سهر ب دهڤهرداریا سێمێلێ ڤه هندهك پارزینگههێن نهیاسایی هاتبوونه دانان و دبێژیت: نوكه بڕیار هاتیهدان ئهو ههموو پارزینگههه بهێنه ژناڤبرن و ل دهستپێكێ ژی 26 پارزینگههێن نهیاسایی هاتنه ژناڤبرن.
مهحمود خهلیل، دهڤهردارێ سێمێلێ بۆ رۆژناما ئهڤرۆ دیار كر، ل دووڤ بڕیارا جڤاتا وهزیران و پارێزگارێ دهۆكێ دهست ب خرابكرن و ژناڤبرنا پارزینگههێن نهیاسایی ل كواشێ هاته كرن، ههموو پارزینگههێن نهیاسایی ل دووڤ یاسایا زێدهگاڤیان دێ هێنه خرابكرن و ژناڤبرن، ئهڤه ژی دێ بیته ئهگهر ژینگهها كواشێ پاقژ ببیت.
ناڤهاتی گۆت: “ئاڤاهیێن پارزینگههێن نهیاسایی هاتنه ژناڤبرن، نوكه ب تنێ تانك و كارگههێن وان ماینه ئهو ژی دێ خودان راكهن، ژ بهركو سكالا ل دادگههێ ل سهر ههموو پارزینگههێن نهیاسایی هاتیه تۆماركرن و پێدڤیه ل دووڤ قانوونێ تانك و كارگههێن خوه راكهن”.
گۆتژی: “45 پارزینگهه ل كواشێ ههبوون هندهك ژی بهری نوكه هاتبوونه راوهستاندن و كار نهدكرن یێن كار ژی دكرن نوكه ههموو دێ هێنه راوهستاندن و ژناڤبرن”.
