وه‌لاتێن عه‌ره‌بی چاڤه‌رێی پشته‌ڤانیا چینێ نه
ئه‌ڤرۆ:
ده‌زگه‌هێن راگه‌هاندنا جیهانی دیار دكه‌ن كو پشتی سه‌ره‌دانا سه‌رۆكێ چینێ بۆ سعوودیێ هه‌موو وه‌لاتێن عه‌ره‌بی دخوازن كو په‌یوه‌ندیێن خوه ل گه‌ل چینێ بهێزتر لێ بكه‌ن و سه‌ره‌دانا سه‌رۆكێ چینێ بۆ سعوودیێ ژی دهێته رامانا ده‌ستپێكه‌كا نوو و ئه‌و یه‌ك بۆ ئه‌مریكا بوویه جهێ دلگرانیێ.
چاڤدێرێن سیاسی ژی دیار دكه‌ن كو ده‌مه‌كه په‌یوه‌ندیێن سعوودیێ و ئه‌مریكا ئالۆزن و د ده‌مه‌كێ وه‌سا دا سه‌ره‌دانا سه‌رۆكێ چینێ بۆ سعوودیێ دێ ئه‌نجامێن خوه یێن مه‌زن هه‌بن، چونكی سعوودیێ دڤێت ب پشته‌ڤانیا چینێ هه‌م پێگه‌هێ خوه بهێزتر لێ بكه‌ت و هه‌م ژی وه‌سا دیار بكه‌ت كو ئه‌و دشێت بێی ئه‌مریكا ژی هه‌ر یا بهێز بیت، وه‌لاتێن دی یێن عه‌ره‌بی ژی كو چه‌ندین سالن ژ ستراتیژیا نوو یا ئه‌مریكا سه‌باره‌ت ب رۆژهه‌لاتا ناڤین دلگرانن نها چاڤه‌رێی هندێ نه كو چین پشته‌ڤانیێ ل وان بكه‌ت و ئه‌و یه‌ك ژی بێگومان بوویه جهێ دلگرانیا ئه‌مریكا و وه‌لاتێن رۆژئاڤایی.
