ئاڤا ژێر زهڤی یا د مهترسیا كێمبوونێ دا
ئهڤرۆ، ئهمیر ئهترووشی:
رێڤهبهرێ ئاڤا دهۆكێ راگههاند، مخابن دهمێ دبێژن ئاستێ ئاڤا بن ئهردی یا بهرهف كێمبوونێ دچیت، ئهگهر بۆ ڤێ چهندێ ڤهدگهڕیت ئهڤه 20 ساله مه ئاریشهیا ئاڤێ ب جدی وهرنهگرتیه و ههر بیر یێ دهێنه لێدان بێی هرز تێدا بهێتهكرن و گۆت: پێ نهڤێت كێمبوونا ئاڤێ كارتێكرن ب گشتی ل سهر ههموو ژێدهرێن ژیانێ كریه.
ئهندازیار ڤهگێر ئهحمهد، رێڤهبهرێ ئاڤا دهۆكێ بۆ ئهڤرۆ دیار كر، ئاڤا ژێر زهڤی یا د مهترسیێ دا و یا فهره پێكڤه ڤی سامانی بپارێزین، حكومهتا ههرێمێ ب ههمی شیانێن خو یا بهردهوامه ژ بۆ دابینكرنا ئاڤا پاڤژ بۆ هاولاتیان و پێشڤهبرنا ژێرخانا ئاڤێ، بهلێ بهرپرسایهتیا پاراستنا ڤی سامانی یا ههڤپشكه ل سهر حكومهتێ و هاولاتیان، دڤێت كۆمهلگهه هاریكار بیت و پشكداربیت دگهل حكومهتێ ژ بۆ زامنكرنا دابینكرنا ئاڤێ، بلا رۆژا جیهانی یا ئاڤێ بیته روژا تێگههشتنا مه بۆ ڤی سامانێ گرنگ، رهوشهنبیریا ئاڤێ ل سهر ئاستێ خێزانێ ژ كارێن خوه یێن رۆژانه بدانین، نوكه ل سهرانسهری جیهانێ مهترسی ل سهر ئاڤا شرین ههین، گوهۆرینێن سهقای و وهرزێن هشكهسالی یێن بهردهوام كارتێكرنهكا راستهوخو ل سهر ژێدهرێن ئاڤێ ههیه.
رێڤهبهرێ ئاڤا دهۆكێ ئهو ژی گۆت: ب گشتی ژێدهرێن ئاڤێ ل كوردستانێ كێم بووینه و گهلهك نموونه ل سهر ڤێ چهندێ ههنه، گوندێ بهرێ بهار ئهڤ ساله بیرا وان هشك بوو و نهچار بووین بیرهكا دی بۆ ئاڤا ڤهخوارنێ بكولین، گوندێ ئێمینكێ (3) بیرێن ئاڤێ مه كولاینه و دیسا گوندێ بێسرێ ب ههمان شێوه و زاویته بیرهك و باگێرا دو بیر هاتینه كولان. ئهڤه ههموو ل سنورێ ناحیا زاویته و ل ناحیا مانگێشكێ گوندێ رهشانكێ، گوندێ باخورنیفێ و چهندین گوندێن دی ژی ههنه كو ژێدهرێن ئاڤێ نهماینه و بیرێن وان هشك بووینه و نهچار بووینه بۆ هندهك بیرێن دی بكولین، ئهڤه بهروهخت ههتا حوكمهتا ههرێما كوردستانێ هزر ل ژێدهرهكێ دی بكهت بۆ دابینكرنا ئاڤێ ب شێوهكێ گشتی ئاڤا بن عهرد ئاستێ وێ گهلهك نزم بوویه.
ئهندازیار ڤهگێر ئهحمهد عهلی ئهو ژی گۆت: پێ نهڤێت كێمبوونا ئاڤێ كارتێكرن ب گشتی هاتیهكرن، ههتا باژێرێ دهۆكێ ژی رێژا ئاڤێ هاتیه كێمكرن و ئهڤه ژی وێ دكهت ژیێ وێ كێمتر بوویه، ل دور كوالێتی یا ئاڤێ ژی بهری ههیڤهكێ مه بیرهك ل گوندێ باجلورێ كولا ئاڤا وێ یا زهلال بوو، بهلێ ب كێری ڤهخوارنێ نهدهات و ماوێ چهند رۆژه ئاڤا وێ هاتیه ڤهكرن و دێ چارهك بۆ هێته دیتن و گوندێ ئێمنكێ ب ههمان شێوه، ب گشتی نه ب تنێ ئاڤا بن عهرد كێم بوویه، بهلكو ئاڤا بن عهرد ژی پیس بوون زێده بوویه، ئهڤه ژی ئهگهرهكه كو دبیته بارگرانی بۆ حوكمهتێ دروست بیت و پێشبینی دكهم سال بۆ سالێ گرفتێن ئاڤێ زێدهتر لێبهێن، لهوما داخاز ژ حوكمهتا ههرێما كوردستانێ دكهم كار ل سهر زێدهكرنا ژێدهرێن ئاڤێ بهێتهكرن.
