باشترین جۆرێ هناران ل پارێزگهها ههلهبچه دهێنه بهرههمئینان
ههولێر، سولین سلێمان
ههرێما كوردستانێ ب بهرههمئینانا هناران یا دهولهمهنده، سالانه ب دههان هزار تهن هنار دچنه دناڤا بازاریدا و هاتیه دیاركرن كۆ باشترین جۆرێ بهرههم ئینانا هناران ل پارێزگهها ههلهبچه دهێته بهرههمئینان.
ستار مهحموود، رێڤهبهرێ چاندنا حهلهبچه بۆ رۆژاناما ئهڤرۆ دیاركر، سالانه نێزیكی ٣٥ هزار تهنێن هناران دهێنه بهرههم ئینان و ئهڤ ساله ژی مه نێزیكی ١٢ هزار تهن هنار بهرههم ئیناینه ، ئاماژهكر؛” جهێ دلخوشیێیه كو د ڤان حهفتیێن بوریدا ب قهبارهكێ زۆر هنارێن كوردستانێ هاتنه هاوردهكرن ژبۆ وهلاتێن كهنداڤ و ئهوروپا كۆ ڤێ چهندێ ژی كارڤهدانهكا زۆر د ناڤ میدیایێن ناڤخو و دهرڤهدا ههبوو.
گۆت ژی: ب رێیا كۆمپانیهكا ناڤخویی مه هنارێن خوه هاوردهی دهرڤهیا وهلاتی كر و ههفتیانه ژی بهرههڤی تێنهكرن كۆ هنارێن پتر بچنه دهرڤهیا كوردستانێ مه د داهاتیێدا لبهره كۆ هنارێن خوه هاورشا زۆربهیا وهلاتێ ئهوروپا و ئاسیا بكهین.
ئاماژهكر؛”سوپاس بو خودێ كۆ هنارێن مه كریارێن باش ههبوینه ل داهاتیێدا ب دههان بارههلگرێن دیێن هناران دێ ئێخینه بازارێن ئهوروپادا.
ئازاد مهحموود ئهو جوتیارێ نموونهیێ پارێزگهها حهلهبچه كو خودان ئهزمونهكا مهزنه دهربارێ ڤێ چهندێ بۆ رۆژناما ئهڤرۆ گۆت: جهێ دلخوشیێیه دنۆكهدا هنارێن ههلهبچه وهكی براندهكا كوردی ژ بۆ بازارێن ئیمارات هاتینه هاوردهكرن، سوپاسیا سهرۆكێ حوكمهتێ دكهم كۆ چاندن كریه ژێدهرهكێ گرنگێ ژێرخانا ئابووری و هیڤیدارم د داهاتیێدا پتر بشێین هنارێن خوه هاوردهی وهلاتێن زێدهتر بكهین.
