ل سالا بۆری قه‌باریێ هنارتنێ به‌ر ب بلند بونێ چوویه
هه‌ولێر، سولین سلێمان
وه‌زاره‌تا بازرگانیێ و پیشه‌سازیێ رادگه‌هینیت كۆ ل سالا ٢٠٢٢ قه‌بارێ هنارتنێ بلند بوویه و گه‌هشتیه ٦٧٢ ملیون و ٧٦٧ هزار دولار بووینه و گۆت: مه چاڤدێری ل سه‌ر كالایێن خارنێ زێده‌كربوون و مه رێك نه‌دایه كه‌لوپه‌لێن سه‌رڤه‌چوی بهێنه دناڤا بازارێن هه‌رێما كوردستانێدا و سزایه‌كێ گران ژ بۆ ئه‌و كه‌سێن ڤان كه‌لوپه‌لێن سه‌رڤه‌چویی دئینن هاتیه دانان.
نه‌وزاد شێخ كامل رێڤه‌به‌رێ گشتیێ بازرگانیێ و پیشه‌سازیێ بۆ رۆژناما ئه‌ڤرۆ دیاركر، جهێ دلخوشیێیه د سالا بوری دا ئه‌و به‌رهه‌مێن مه هه‌نارده كرینه به‌رهه‌مێن ناپه‌ترولی بووینه، تێدا قه‌بارێ هنارتنێ بلند كرینه، ئه‌و ژی به‌رهه‌مێن هناران و ته‌حین و سماق و ئاڤا ته‌ماتێ و كانزا بوینه كۆ ل سالا ٢٠٢٢ هاتینه هنارتن.
ئاماژه‌كر، مه چاڤدێری ل سه‌ر كالایێن خارنێ زێده‌كربوون و مه رێك نه‌دایه كه‌لوپه‌لێن سه‌رڤه‌چوی بهێنه دناڤا بازارێن هه‌رێما كوردستانێدا و سزایه‌كێ گران ژ بۆ ئه‌و كه‌سێن ڤان كه‌لوپه‌لێن سه‌رڤه‌چویی دئینن هاتیه دانان.
خویاكر، ژبلی ڤێ چه‌ندێ مه ٤٤٨ هزار كیلو كه‌لوپه‌لێن سه‌رڤه‌چوی ژ ناڤ برینه، چونكی ب بریارا به‌رێز سه‌رۆكێ حوكمه‌تێ پێكولێن جدی هاتبونه كرن رێژا هه‌ناردێ بهێته بلند كرن. دیسا گرنگیه‌كا زۆر ب كه‌رتێ كشتوكالی هاتیه دان دا كو بشێین ب ڤێ رێیێ بازرگانیا كوردستانێ بلند بكه‌ین، زێده‌تر گرنگیێ ب هه‌نارده‌كرنا به‌رهه‌مێن ناڤخویی بده‌ین، ژبلی هه‌نارده‌كرنا په‌ترولێ، چونكی بلندبوونا قه‌بارێ هنارده‌كرنێ ل سالا بوریدا هه‌می ئه‌گه‌رێن به‌رهه‌مێن ناڤخویی بووینه نه‌كو په‌ترول.
