بهایێ كارتێن ئنترنێتێ دێ ئه‌رزان بیت
هه‌ولێر، سولین سلێمان:
وه‌زیرا ڤه‌گوهاستن و گه‌هاندنا حكومه‌تا ئیراقێ ئاشكرا كریه كو پشتی ئه‌و ل گه‌ل كۆمپانیایێن خزمه‌تگوزاریێن ئنترنێتێ دده‌نه وه‌لاتیان كۆمبووین چه‌ندین بڕیار هاتینه دان ژ بۆ وێ چه‌ندێ كو بهایێ كارتێن ئنترنێتێ بهێته خوار و د نێزیكترێن ده‌م دا ئه‌و بڕیاره دێ هێنه بجهئینان.
محسن دوسكی، ئه‌ندامێ په‌رله‌مانێ كوردستانێ بۆ رۆژناما ئه‌ڤرۆ دیار كر، ئه‌ڤ بڕیارا وه‌زاره‌تا ڤه‌گوهاستن و گه‌هاندنا ئێراقێ گه‌له‌ك یا باشه، چونكی ب شێوازه‌كێ گشتی بهایێ كارتێن ئنترنێتێ ل ئێراق و كوردستانێ یێ گرانه، دیسا ئه‌ڤ چه‌نده دێ بیته ئه‌گه‌رێ دروستكرنا هه‌ڤركێ د ناڤبه‌را كۆمپانیان دا و وه‌لاتی ژی پتر دێ مفای ژێ بینن.
محسن گۆت: “هیڤیدارم ئه‌ڤ بڕیاره بهێته بجهئینان، چونكی چه‌ندین ساله ئه‌ڤ چه‌نده دهێته گۆتن، لێ ب كریار هه‌تا نوكه چو نه‌هاتیه كرن”.
