مه‌سرور بارزانی :پێشبینیێ دكه‌ین د ده‌مێ چه‌ند هه‌یڤان دا ل دۆر په‌ترۆل و غازێ ل گه‌ل به‌غدا ڕێكبكه‌ڤین
ئه‌ڤرۆ:
سه‌رۆكێ حوكمه‌تا هه‌رێما كوردستانێ ڕاگه‌هاند، دبیت دده‌مێ چه‌ند هه‌یڤان دا ب ڕێككه‌فتن ل سه‌ر قانوونه‌كا په‌ترۆل و غازێ، ناكۆكیێن درێژخایه‌ن ل سه‌ر به‌لاڤكرنا داهاتێ په‌ترۆلێ د ناڤبه‌را حوكمه‌تا ئیراقێ و هه‌رێما كوردستانێ دا بهێنه چاره‌سه‌ركرن.
مه‌سرور بارزانی، سه‌رۆكێ حوكمه‌تا هه‌رێما كوردستانێ، د چارچۆڤه‌یێ كۆربه‌ندێ ئابووری یێ جیهانی ل داڤۆس بۆ ئاژانسا ڕویته‌رز ڕاگه‌هاند، ئه‌وا ئه‌م ل سه‌ر ڕِێككه‌فتین ئه‌وه كو هه‌موو ئه‌و فشارێن ل سه‌ر حوكمه‌تا هه‌رێما كوردستانێ بهێنه ڕاگرتن و د ده‌مێ نوكه دا یێن هاتینه ڕاوه‌ستاندن، چاڤه‌ڕێ ژی دكه‌ین هه‌تا ده‌مێ مه قانوونه‌كا په‌ترۆل و غازێ هه‌بیت و هه‌تا وی ده‌می ژی ڕێككه‌فتنه‌كا ل وی شێوه‌ی دێ هێته كرن، دێ ئه‌م هه‌ردو ئالی د هاریكار بیت دڕێڤه‌برنا كێلگێن په‌رتۆلی و فرۆتنا په‌ترۆلێ و به‌لاڤكرنا داهاتی دا، كو ل دووماهیێ دێ بیته بودجه‌یا فه‌رمی.
د به‌رسڤا پرسیاره‌كێ دا سه‌باره‌ت ژڤانێ ڕێككه‌فتنێ ل سه‌ر قانوونا په‌ترۆلێ و غازێ، مه‌سرور بارزانی ڕاگه‌هاند، دێ د ده‌مێ چه‌ند هه‌یڤان دا بیت و مه ده‌مێ شه‌ش هه‌یڤام دیاركربوو، نزانم ئه‌و چه‌ند واقعیه، به‌لێ هیڤیدارین بشێین ب زووترین ده‌م وی كاری بكه‌ین.
